სტრატეგია ,,აღმაშენებლის" მეცხრე თემატური პრეზენტაცია - „სასამართლო რეფორმის ქართული მოდელი" გაიმართა.

პრეზენტაციას ესწრებოდნენ ოპოზიციური პარტიის წარმომადგენლები, რომლებმაც რეფორმასთან დაკავშირებით საკუთარი ხედვები წარმოადგინეს.

როგორც პრეზენტაციის დაწყებამდე „ახალი საქართველოს” ლიდერმა გიორგი ვაშაძემ ჟურნალისტებს განუცხადა, საქართველოში პირველი რეფორმა, რაც უნდა გატარდეს, არის სასამართლოს რეფორმა.

„პოლიტიკური სტაბილურობა არ გვაქვს მხოლოდ სასამართლოს გამო. ამიტომ, ოპოზიციური პარტიები ვთანხმდებით, რომ არჩევნებამდე და სავარაუდოდ აპრილის ბოლოს, ჩვენ უნდა დავდოთ საერთო შეთანხმების დოკუმენტი, თუ როგორი მართლმსაჯულება გვინდა ქვეყანაში და ავიღოთ ვალდებულება, რომ არჩევნებში, ნებისმიერი შედეგის პირობებში, როდესაც შევდივართ პარლამენტში, სწორედ ამ რეფორმებს დავუჭიროთ მხარი. მერე არ დავიწყოთ, რომ ვიღაც ხელისუფლებაში მოვიდა და ასე არ მომწონს, ისე არ მომწონს. ადამიანი, მოქალაქე, ბიზნესი - ყველა უნდა იყოს დაცული და ერთადერთი დაცვის გარანტია არის სასამართლო“, - განაცხადა ვაშაძემ.