აზერბაიჯანის დედაქალაქში, ცენტრალური საარჩევნო კომისიის შენობასთან, ადამიანთა ჯგუფის მიერ დაგეგმილი არასანქცირებული შეკრება პოლიციამ აღკვეთა. ამის შესახებ აზერბაიჯანული მედია იუწყება.

მათი ცნობით, სერიოზული დარღვევა არ დაფიქსირებულა და დაშავებულები არ არიან.

სააგენტო „ტრენდის“ ინფორმაციით, პოლიციამ განაცხადა, რომ არ დაუშვებენ არასანქცირებული ღონისძიებების ჩატარებას.

პოლიციის ინფორმაციით, დღევანდელი აქციის დროს დაკავებულები არ არიან; მონაწილეები მხოლოდ ტერიტორიიდან გაიყვანეს.