დავით ზალკალიანი პოლონელ კოლეგას შეხვდა

საქართველოს საგარეო საქმეთა მინისტრი დავით ზალკალიანი მიუნხენის კონფერენციის ფარგლებში პოლონელ კოლეგას იაცეკ ჩაპუტოვიჩს შეხვდა.

როგორც „ინტერპრესნიუსს“ საგარეო საქმეთა სამინისტროდან აცნობეს, მინისტრები მიესალმნენ პოლონეთსა და საქართველოს შორის სტრატეგიულ პარტნიორულ ურთიერთობას და მაღალი დონის ინტენსიურ კომუნიკაციას საერთაშორისო და ორმხრივი ურთიერთობების მნიშვნელოვან საკითხებზე.

დავით ზალკალიანმა მადლობა გადაუხადა პოლონელ კოლეგას მისი პირადი მხარდაჭერისთვის საქართველოს მიმართ და ამ მხრივ გადადგმული კონკრეტული ნაბიჯებისთვის. საგარეო საქმეთა მინისტრებმა მაღალი შეფასება მისცეს ასევე პოლონეთსა და საქართველოს შორის არსებული თანამშრომლობის ფორმატებს და გამოთქვეს მზადყოფნა იმუშაონ ამ ფორმატების გაღრმავებისა და კიდევ უფრო გააქტიურების მიმართულებით. საუბარი შეეხო საქართველოს ოკუპირებულ რეგიონებში არსებულ მდგომარეობას, მინისტრმა კოლეგას ინფორმაცია მიაწოდა ბოლო განვითარებებზე.

„გამოითქვა შეშფოთება ადგილზე არსებული მძიმე ჰუმანიტარული ვითარების გამო და ხაზი გაესვა ამ კონტექსტში როგორც პოლონეთის, ასევე საერთაშორისო თანამეგობრობის აქტიურ ჩართულობას. აღინიშნა, რომ პოლონეთი ასევე აქტიურად განაგრძობს საქართველოს ევროპული და ევრო-ატლანტიკური ინტეგრაციის გზაზე მხარდაჭერას როგორც პოლიტიკური თვალსაზრისით, ასევე პრაქტიკულ განზომილებაში. მხარეებმა ასევე ისაუბრეს საქართველოს პრიორიტეტებზე ევროპის საბჭოში და თავმჯდომარეობის ფარგლებში ურთიერთმხარდაჭერაზე“,-ნათქვამია ინფორმაციაში.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა