თეონა ჭალიძე დიმიტრი ხუნდაძეს - აქამდეც უნდა დაგეჯერებინათ ჩვენთვის

“ახალი საქართველოს“ სოციალური მიმართულების ხელმძღვანელი თეონა ჭალიძე დიმიტრი ხუნდაძის განცხადებას ეხმაურება. მისი თქმით, პარლამენტის ჯანდაცვის კომიტეტი და ჯანდაცვის სამინისტრო როგორც იქნა მივიდა იმ დასკვნამდე, რომ სოციალურად დაუცველ ოჯახებს საარსებო შემწეობა გადამოწმების პერიოდში აღარ შეუჩერდეთ.

როგორც „ინტერპრესნიუსს“ „ახალი საქართველოდან“ აცნობეს, „ახალი საქართველოს“ სოციალური სამსახური უკვე სამი წელია ითხოვს, რომ სოციალურად დაუცველ ოჯახებს საარსებო შემწეობა გადამოწმების პერიოდში აღარ შეუჩერდეთ.

თეონა ჭელიძე აცხადებს, რომ მათ რამდენჯერმე მიმართეს ჯანდაცვის მინისტრს, პარლამენტის ჯანდაცვისა და სოციალურ საკითხთა კომიტეტს, თუმცა როგორც ის აღნიშნავს, ინიციატივა მმართველი ხელისუფლების მხრიდან სათანადოდ არ შეფასებულა.

„ახალი საქართველოს“ სოციალური მიმართულების ხელმძღვანელი მადლობას უხდის მედიის ყველა წარმომადგენელს, საკითხის სწორად გაშუქებისთვის.

,,ახალი საქართველოს სოციალური სამსახური თითქმის სამი წელია ადვოკატირებას უწევდა აღნიშნულ ინიციატივას. ჩვენ არაერთხელ მივმართეთ წერილობით ჯანდაცვის მინისტრებს, პარლამენტის ჯანდაცვისა და სოციალურ საკითხთა კომიტეტს. ასევე საკითხის შესასწავლად მივმართეთ სახალხო დამცველსაც, რადგან მიგვაჩნია რომ ირღვეოდა ათასობით ადამიანის უფლება, მაშინ როცა მათ ტოვებდა სახელმწიფო ულუკმაპუროდ სამი თვის განმავლობაში.

მედიის საშუალებით მუდმივად ვახსენებდით ხელისუფლებას ამ საკითხს და ყველა ეთერს ვიყენებდით იმისთვის, რომ სოციალურად დაუცველი ადამიანების მძიმე მდგომარეობა საარსებო შემწეობის შეჩერებით კიდევ უფრო არ დაემძიმებინა ხელისუფლებას. მადლობას ვუხდი ყველა ჟურნალისტს და მედიას რომლებიც მუდმივად აშუქებდნენ ამ საკითხს. კარგი იქნებოდა უფრო ადრე დაეჯერებინა ხელისუფლებას ჩვენთვის და მეტი პასუხისმგებლობა გამოეჩინა ყველაზე გაჭირვებულ მდგომარეობაში მყოფი მოქალაქეების მიმართ“,-აცხადებს „ახალი საქართველოს“ სოციალური მიმართულების ხელმძღვანელი თეონა ჭალიძე.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ეკა ლეკაშვილი - ხელისუფლებამაც და საზოგადოების ნაწილმა ისწავლა კოვიდ ინფექციასთან თანაცხოვრება
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
თბილისს უახლოეს ხანში ძველი თბილისის შთაგონებით შექმნილი გასტრონომიული დუქანი "რიგი" შეემატება
„ევრონიუს ჯორჯია“ ქართულენოვანი მაუწყებლობის დაწყებას აღნიშნავს
გაეროს მსოფლიო ტურიზმის ორგანიზაციის TEDQUAL სერტიფიკატის გადაცემის ცერემონიალი კავკასიის უნივერსიტეტში
Mastercard-სა და საქართველოს ტურიზმის ეროვნულ ადმინისტრაციას შორის ურთიერთთანამშრომლობის მემორანდუმი გაფორმდა
ხელოვნური ინტელექტი ევრაზიაში – ბიზნესისა და ტექნოლოგიების უნივერსიტეტის პანელი თბილისში ჩატარებულ საერთაშორისო ფორუმზე
BTU-ს „ინიციატივა 5.0” და უმნიშვნელოვანესი პროექტები, რომელიც საქართველოში ციფრული ეკონომიკის გაძლიერებას ისახავს მიზნად
Samsung The Sero - ტელევიზორი, რომელიც ბრუნავს იმისთვის, რომ შენს სმარტფონს მოერგოს