საქართველოში პოზიტიური ფსიქოთერაპიის მსოფლიო ასოციაციის ოფიციალური წარმომადგენლობა გაიხსნა

საქართველოში პოზიტიური ფსიქოთერაპიის მსოფლიო ასოციაციის ოფიციალურ წარმომადგენლობის (WAPP) გახსნასთან დაკავშირებით, თბილისის ივანე ჯავახიშვილის სახელობის სახელმწიფო უნივერსიტეტში საზეიმო მიღება გაიმართა. ამის შესახებ „ინტერპრესნიუსს“ IDC-ს განვითარების საერთაშორისო ცენტრიდან აცნობეს.

მათივე ცნობით, დამსწრე საზოგადოებას სიტყვით მიმართეს პოზიტიური ფსიქოთერაპიის მსოფლიო ასოციაციის წარმომადგენელმა ე.დოკუნოვამ, საქართველოს განათლების, მეცნიერების, კულტურისა და სპორტის მინისტრის მოადგილემ ნ.მიცკევიჩმა, სხვადასხვა უმაღლესი სასწავლებლების, ასევე საზოგადოების წარმომადგენლებმა, პოზიტიური ფსიქოთერაპიის სერთიფიცირებულმა სპეციალისტებმა და სტუდენტებმა.

„პოზიტიური ფსიქოთერაპია არის თანამედროვე სამეცნიერო ფსიქოთერაპიის ერთ-ერთი ცნობილი მეთოდი, რომელიც აღიარებულია ფსიქოთერაპიის მსოფლიო საბჭოსა (WCP.www.worldpsyche.org) და ფსიქოთერაპიის ევროპული ასოციაციის (EAP.www.europsyche.org) მიერ. აღნიშნულ მეთოდს მიღებული აქვს გერმანული მედიცინის მთავარი („რიჩარდ–მარტინ–პრაისის“) პრიზი, როგორც ყველაზე საიმედო და ხარისხიან მეთოდს, რომლის შემქმნელი ნ. პეზეშკიანი ნომინირებული იყო ნობელის პრემიაზე.

პოზიტიური ფსიქოთერაპიის საერთაშორისო ცენტრი IDC დაინტერესებულ ადამიანებს სთავაზობს ფსიქოლოგიური და ფსიქოთერაპიული კონსულტირების შესწავლას. პოზიტიური ფსიქოთერაპიის საერთაშორისო ერთწლიანი კურსის გავლის შემდეგ, მსმენელი ხდება ფსიქოკონსულტანტი, რაც დასტურდება შესაბამისი საერთაშორისო სერტიფიკატით (WAPP). საბაზისო კურსის გავლის შემდგომ, შესაძლებელია ევროპის ფსიქოთერაპევტთა ასოციაციის (EAP) მიერ აღიარებული სტანდარტის შესაბამისი პროგრამის გავლა, რომლის დასრულების შემდეგაც გაიცემა ფსიქოთერაპევტის საერთაშორისო დიპლომი.

პოზიტიური ფსიქოთერაპიის საერთაშორისო ცენტრის საქართველოს წარმომადგენლობის ხელმძღვანელმა ლალი ბადრიძემ ღონისძიებაზე დამსწრეთ გააცნო IDC-ის მუშაობის შედეგები და აღნიშნა, რომ საზოგადოების მზარდი ინტერესის გამო ა/წ მაისში მოხდება ახალი, ამჯერად უკვე მე-6 ნაკადის მიღება. ბადრიძის თქმით, ცენტრის კარი ღიაა ყველა მსურველისათვის“, - აღნიშნულია ინფორმაციაში.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ეკა ლეკაშვილი - ხელისუფლებამაც და საზოგადოების ნაწილმა ისწავლა კოვიდ ინფექციასთან თანაცხოვრება
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
თბილისს უახლოეს ხანში ძველი თბილისის შთაგონებით შექმნილი გასტრონომიული დუქანი "რიგი" შეემატება
„ევრონიუს ჯორჯია“ ქართულენოვანი მაუწყებლობის დაწყებას აღნიშნავს
გაეროს მსოფლიო ტურიზმის ორგანიზაციის TEDQUAL სერტიფიკატის გადაცემის ცერემონიალი კავკასიის უნივერსიტეტში
Mastercard-სა და საქართველოს ტურიზმის ეროვნულ ადმინისტრაციას შორის ურთიერთთანამშრომლობის მემორანდუმი გაფორმდა
ხელოვნური ინტელექტი ევრაზიაში – ბიზნესისა და ტექნოლოგიების უნივერსიტეტის პანელი თბილისში ჩატარებულ საერთაშორისო ფორუმზე
BTU-ს „ინიციატივა 5.0” და უმნიშვნელოვანესი პროექტები, რომელიც საქართველოში ციფრული ეკონომიკის გაძლიერებას ისახავს მიზნად
Samsung The Sero - ტელევიზორი, რომელიც ბრუნავს იმისთვის, რომ შენს სმარტფონს მოერგოს