ნიკა გვარამია - დღეს პროკურატურა იმაზე სამარცხვინო იყო, ვიდრე წარმოსადგენია, მათმა მოწმეებმა მათივე პოზიცია დაანგრიეს

დღეს პროკურატურა იმაზე სამარცხვინო იყო ვიდრე ეს წარმოსადგენია. მათ მიერ მოყვანილმა მოწმეებმა მათივე პოზიცია დაანგრიეს, -ამის შესახებ ჟურნალისტებს "რუსთავი2"-ის ყოფილმა გენერალურმა დირექტორმა მის სასამართლო პროცესთან დაკავშირებით განაცხადა.

დღეს ბრალდების მხარის ორი მოწმე დაიკითხა.

გვარამიას განმარტებით, დღეს დაკითხული მოწმეთა ჩვენებები პროკურატურის პოზიციას ანგრევს.

"მე მგონი, ბრალდების მოწმეების ეს ჩვენება მხოლოდ ფორმალურად იყო, ორივე მოწმის ჩვენება რეალურად ანგრევს ბრალდების პოზიციას „პორშეს“ ეპიზოდთან დაკავშირებით და კონტრაქტის ეპიზოდთან დაკავშირებით. აბსოლუტურად ცხადია ორივე ჩვენებიდან, განსაკუთრებით, ქალბატონი ვასაძის ჩვენებიდან, რომ არავითარ დარღვევას ადგილი არ ჰქონია, მითუმეტეს, დარღვევას „რუსთავი2“-ის გენერალური დირექტორის მხრიდან. დღეს პროკურატურა იმაზე სამარცხვინო იყო ვიდრე ეს წარმოსადგენია. მათ მიერ მოყვანილმა მოწმეებმა მათივე პოზიცია დაანგრიეს. იქიდან გამომდინარე, რომ ამ მოწმეებით დაიწყეს, თვლიდნენ, რომ ეს არის მათი დამრტყმელი მოწმეები და თქვენ თვითონ ნახეთ, ამ მოწმეებმა რა ისაუბრეს. ეს არის სრულიად გაბათილება და დანგრევა ბრალდების პოზიციის", -განაცხადა გვარამიამ.

ნიკა გვარამიას ადვოკატის, დიმიტრი საძაგლიშვილის განმარტებით, ადგილი ჩვეულებრივ ბიზნეს ტრანზაქციებს ჰქონდა, რაც დანაშაული არ არის.

„ამ ადამიანებმა სასამართლოს მიაწოდეს ინფორმაცია იმასთან დაკავშირებით, თუ რა ხდებოდა. საბოლოო ჯამში ადგილი ჰქონდა ჩვეულებრივ ბიზნეს ტრანზაქციებს, რომელიც არავითარ შემთხვევაში დანაშაული არ არის და რომელიც მომგებიანი იყო „რუსთავი2“-სთვის და ბევრად მეტ შემოსავალს იღებდა, ვიდრე მისი კონკურენტები. ასე რომ, მოწმეების მიერ დღეს სასამართლოში გაჟღერებული ინფორმაციით შეგვიძლია ვთქვათ, რომ ორივე პირმა ცალსახად გამორიცხა პროკურატურის ვერსია ნიკა გვარამიას მხრიდან დანაშაულის ჩადენასთან დაკავშირებით“, - განაცხადა საძაგლიშვილმა.

ცნობისთვის, გენერალურმა პროკურატურამ 6 სექტემბერს, „რუსთავი 2“-ის საქმეზე ბრალი ნიკა გვარამიას, ასევე „რუსთავი 2“-ის ყოფილ ფინანსურ დირექტორს კახა დამენიასა და „ინტერ მედია პლიუსის“ დირექტორს ზურაბ იაშვილს წაუყენა. ნიკა გვარამიას ბრალად ედება წინასწარი შეთანხმებით ჯგუფის მიერ, დიდი ოდენობით „რუსთავი 2“-ის კუთვნილი ქონებრივი უფლების გაფლანგვა, კომერციული მოსყიდვა და ყალბი ოფიციალური დოკუმენტის დამზადება, უკანონო შემოსავლის ლეგალიზაცია. ნიკა გვარამიას ასევე ბრალი ედება სამსახურეობრივი უფლებამოსილების ბოროტად გამოყენებაში. გვარამიას აღკვეთის ღონისძიების სახით 40 000-ლარიანი გირაო შეეფარდა, ამასთან, მას ქვეყნიდან გასვლის უფლება შეეზღუდა. კახა დამენიას გამოძიება სამაუწყებლო კომპანია „რუსთავი 2“-ის კუთვნილი ქონებრივი უფლების დიდი ოდენობით მართლსაწინააღმდეგო გაფლანგვაში ედება, რაც ჩადენილი იქნა წინასწარი შეთანხმებით ჯგუფის მიერ, სამსახურებრივი მდგომარეობის გამოყენებით. დამენიას აღკვეთის ღონისძიების სახით 50 000-ლარიანი გირაო შეეფარდა. მას ასევე, აეკრძალა სახელმწიფო საზღვრის დატოვება საგამოძიებო ორგანოს ინფორმირებისა და თანხმობის გარეშე. რაც შეეხება ზურაბ იაშვილს, მას ბრალი ედება კომერციულ მოსყიდვასა და ყალბი ოფიციალური დოკუმენტის დამზადებაში. იაშვილს აღკვეთის ღონისძიების სახით 50 000-ლარიანი გირაო აქვს შეფარდებული.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ეკა ლეკაშვილი - ხელისუფლებამაც და საზოგადოების ნაწილმა ისწავლა კოვიდ ინფექციასთან თანაცხოვრება
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
თბილისს უახლოეს ხანში ძველი თბილისის შთაგონებით შექმნილი გასტრონომიული დუქანი "რიგი" შეემატება
„ევრონიუს ჯორჯია“ ქართულენოვანი მაუწყებლობის დაწყებას აღნიშნავს
გაეროს მსოფლიო ტურიზმის ორგანიზაციის TEDQUAL სერტიფიკატის გადაცემის ცერემონიალი კავკასიის უნივერსიტეტში
Mastercard-სა და საქართველოს ტურიზმის ეროვნულ ადმინისტრაციას შორის ურთიერთთანამშრომლობის მემორანდუმი გაფორმდა
ხელოვნური ინტელექტი ევრაზიაში – ბიზნესისა და ტექნოლოგიების უნივერსიტეტის პანელი თბილისში ჩატარებულ საერთაშორისო ფორუმზე
BTU-ს „ინიციატივა 5.0” და უმნიშვნელოვანესი პროექტები, რომელიც საქართველოში ციფრული ეკონომიკის გაძლიერებას ისახავს მიზნად
Samsung The Sero - ტელევიზორი, რომელიც ბრუნავს იმისთვის, რომ შენს სმარტფონს მოერგოს