ირაკლი შოთაძე ივანიშვილის ბიზნესცენტრში შეხვედრაზე - გენერალურ პროკურორს სრული უფლება აქვს კერძო შეხვედრები აწარმოოს, როდესაც სამსახურეობრივ საქმიანობას არ ეხება

საქართველოს გენერალური პროკურორობის კანდიდატმა, ირაკლი შოთაძემ იურიდიულ საკითხთა კომიტეტის სხდომაზე ბიძინა ივანიშვილის ბიზნეს-ცენტრში გამართულ შეხვედრაზე ისაუბრა. როგორც მან განმარტა, გენერალურ პროკურორს სრული უფლება აქვს კერძო შეხვედრები აწარმოოს, მით უფრო, თუ ეს შეხვედრები მის სამსახურეობრივ საქმიანობას არ ეხება.

„რამდენიმე კითხვა იყო შეხვედრასთან დაკავშირებით, რომელიც ბიძინა ივანიშვილის ბიზნეს-ცენტრში შედგა. ამ შეხვედრაზე საპროკურორო საბჭოს ფარგლებში საკმაოდ დეტალურად ვისაუბრე. ჩემი პასუხები საკმაოდ ვრცლად, თითქმის ყველა მასმედიის საშუალებით გავრცელდა და ყველა დაინტერესებულ ადამიანს, ვისაც კითხვები აქვს ამ შეხვედრასთან დაკავშირებით შეუძლია ეს კიდევ ერთხელ მოისმინოს.

ერთადერთი კუთხით განვმეორდები, რომ მთავარ პროკურორს, გენერალურ პროკურორს სრული უფლება აქვს კერძო შეხვედრები აწარმოოს, როდესაც ეს შეხვედრები მის სამსახურეობრივ საქმიანობას არ ეხება, არ არის დაკავშირებული სისხლის სამართლის საქმეებთან, ბრალდებასთან, ეს არის გენერალური პროკურორის, როგორც ადამიანის ფუნდამენტური უფლებები. ამ უფლებებს ვერავინ შეზღუდავს. თუ თქვენ, პარლამენტარები ბრძანდებით და ფიქრობთ, რომ პროკურორს არ უნდა ჰქონდეს შესაძლებლობა არასამსახურეობრივ საქმიანობის გარეთ, პირადი შეხვედრები განახორციელოს და ასე შემდეგ, მაშინ ეს საკანონმდებლო დონეზე უნდა აისახოს, ეს არის ჩემი პასუხი“,-განმარტა შოთაძემ.

შეგახსენებთ, რომ 12 სექტემბერს, ერთ-ერთი ტელევიზიის ეთერში „თიბისი ბანკის“ დამფუძნებელმა, მამუკა ხაზარაძემ განაცხადა, რომ ივანიშვილის სასახლეში შეხვედრას გენერალური პროკურორი, ირაკლი შოთაძეც ესწრებოდა.

მოგვიანებით აღნიშნული თავად შოთაძემაც დაადასტურა.

დავით იაკობიძე - მთავარია, კარგად ვიცოდეთ, რა გვინდა სოფლის მეურნეობასა და ეკონომიკაში და ვიცოდეთ, ვის შევთავაზოთ პარტნიორობა
მინდია დავითაძე - აუცილებელია საქპატენტის უწყვეტ რეჟიმში ფუნქციონირება, რათა ბიზნესს შექმნილ ვითარებაში პრობლემა არ შეექმნას
ქართული პრესის მიმოხილვა 06.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია
"ლიბერთი ბანკის" მმართველ გუნდში ცვლილებებია
"ბაზისბანკის" ციფრული არხებით სარგებლობა უფასოა
„დანკინმა“ ინფექციურის  და პირველი საუნივერსიტეტო კლინიკის მედიკოსებს საუზმე მიართვა
Yandex.Taxi საქართველოში კორონავირუსისგან დაზარალებული მძღოლებისთვის ფინანსური მხარდაჭერის ფონდს აფუძნებს