„ჯივიპი“, დღეს ჭავჭავაძის გამზირზე ახალ ქსელზე  გადაერთებით სამუშაოებს განახორციელებს, რის გამოც გარკვეულ უბნებში წყალმომარაგება შეიზღუდება

„ჯორჯიან უოთერ ენდ ფაუერმა“ ჭავჭავაძის გამზირის მასშტაბური სარეაბილიტაციო პროექტის ფარგლებში, კავსაძის ქუჩიდან ყიფშიძის ქუჩამდე წყალმომარაგების სისტემა სრულად განაახლა. აღნიშნულ მონაკვეთზე 0.5 კმ სიგრძის წყალსადენისა და წყალარინების ქსელი შეიცვალა. წყალმომარაგების განახლებულ სისტემაზე ევროსტანდარტის ჩამკეტ-მარეგულირებელი ურდულები, სახანძრო ჰიდრანტები და საკვანძო ჭები მოეწყო. ამის შესახებ „ინტერპრესნიუსს“ კომპანიის პრესსამსახურიდან აცნობეს.

მათივე ინფორმაციით, „ჯივიპიმ“ ჭავჭავაძის გამზირის სარეაბილიტაციო პროექტში, ჯამურად, 10 მლნ ლარის ინვესტიცია განახორციელა.

კავსაძის ქუჩიდან ყიფშიძის ქუჩამდე წყალმომარაგების ახალი ქსელის ექსპლუატაციაში შესვლის მიზნით ჯივიპი ხვალ, 18 თებერვალს გადაერთებით სამუშაოებს იწყებს.

აღნიშნულთან დაკავშირებით მაგისტრალური ქსელის წყლისგან დაცლაა აუცილებელი, რის გამოც, ხვალ, 18 თებერვალს დილის 10:00 საათიდან 19 თებერვლის დილის 10:00 საათამდე წყალმომარაგება შეეზღუდება:

ვაკის რაიონში: ჭავჭავაძის გამზირის ნაწილს, თამარაშვილის გამზირს, ფალიაშვილის ქუჩის ნაწილს, აბაშიძის, ყიფშიძის, აბულაძის, მოსაშვილის, ბერძენიშვილისა და მიმდებარე ქუჩებს.

წყალმომარაგების შეზღუდვისა და აღდგენის შესახებ ინფორმაციას, ჯორჯიან უოთერ ენდ ფაუერი აბონენტებს წინასწარ, SMS-შეტყობინების სახით მიაწოდებს. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, ფეისბუქისა და ვებგვერდის მეშვეობით - http://www.gwp.ge. „ჯივიპი“ შექმნილი დისკომფორტისთვის, ბოდიშს უხდის მომხმარებლებს.

ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
ქართული პრესის მიმოხილვა 21.09.2020
ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)