მამუკა მდინარაძე - ირაკლი შოთაძემ გახსნა სააკაშვილის და გელაშვილის საქმე, ამას ვერ პატიობენ „ნაცმოძრაობის“ წარმომადგენლები

საპარლამენტო უმრავლესობის ლიდერის მამუკა მდინარაძის განცხადებით, ირაკლი შოთაძესთან დაკავშირებით კენჭისყრა სავარაუდოდ დღეს გაიმართება. თუმცა, მისივე თქმით, მანამდე დაგეგმილია, პარლამენტის თავმჯდომარის ანგარიშის წარდგენა.

მდინარაძის თქმით, ანგარიშის წარდგენას მათ შორის, დიპლომატიური კორპუსის წარმომადგენლებიც დაესწრებიან.

„რას აკეთებდა პარლამენტი 2019 წელს მოისმენს ქართული საზოგადოება. 400-ზე მეტი კანონი მიიღო პარლამენტმა 2019 წელს. რაზეც ჩვენი ოპონენტები არ საუბრობენ. რაც შეეხება ირაკლი შოთაძის მიერ გაკეთებულ საქმეებს, მან გახსნა მიხეილ სააკაშვილის საქმე, რომელიც გასამართლდა გირგვლიანის საქმესთან დაკავშირებით და სტრასბურგის სასამართლომაც გასცა რეკომენდაციები. ასევე გელაშვილის საქმე. სწორედ ამ საქმეებს ვერ პატიობენ „ნაციონალური მოძრაობის“ და მათი სატელიტი პარტიების წარმომადგენლები ირაკლი შოთაძეს. მათ ჰყავდათ ისეთი პოლიტიკური ნების გამტარებელი მთავარი გენერალური პროკურორი, რომელიც ორიენტირებული იყო უდანაშაულო ადამიანის დასჯასა და ქონების წართმევაზე და ა.შ. ირაკლი შოთაძე არის ადამიანი, რომელმაც ერთი კითხვის დასმისთანავე დატოვა თანამდებობა. ბუნებრივია, ჩვენ მას მხარს დავუჭერთ", - განაცხადა მდინარაძემ.

იხილეთ ვიდეო

ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
ქართული პრესის მიმოხილვა 21.09.2020
ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)