მამუკა მდინარაძე - ირაკლი შოთაძის გულწრფელობა სპეკულაციებით დაისაჯა

ირაკლი შოთაძეს რომ ეკადრებინა და საერთოდ არ ვყოფილვარო რომ ეთქვა, მხოლოდ ის კაცი შეეწინააღმდეგებოდა, რომელმაც თქვა, 17 მილიონი გამოვართვი ჩემს მეგობარს და წარმოდგენა არ მქონდა, რომ ჩემი ბანკიდან ჰქონდა გატანილიო, - ამის შესახებ საპარლამენტო უმრავლესობის ლიდერმა მამუკა მდინარაძემ პარლამენტის ბიუროს სხდომაზე განაცხადა, რითაც ივანიშვილი-ხაზარაძის შეხვედრაზე შოთაძის დასწრების საკითხს გამოეხმაურა.

მისი შეფასებით, მთავარი პროკურორობის კანდიდატის, ირაკლი შოთაძის „გულწრფელობა ახალი სპეკულაციებით დაისაჯა“.

„რა თქმა უნდა, ყველა წარმატებული კომპანია დაინტერესებულია, რომ ყოფილი მთავარი პროკურორი ჰყავდეს თავის კომპანიაში იურისტად. ეს ხდება ყველა ქვეყანაში: შტატებში, დასავლეთში. ამით შექმნეს აპოკალიფსი ორი დღეა. მეორე შემთხვევაში, ირაკლი შოთაძეს შეეძლო ეთქვა იმ შეხვედრასთან დაკავშირებით და ერთადერთი მამუკა ხაზარაძე იქნებოდა სხვა ვერსიის ავტორი, ხაზარაძე, რომელიც თვეების განმავლობაში გვიმტკიცებს, რომ ისე გამოართვა თავის მეგობარს 17 მილიონი, რომ წარმოდგენა არ ჰქონდა თავისი ბანკიდან თუ ჰქონდა გამოტანილი - ამ ვერსიის ავტორი იქნებოდა მეორე მხარე. ირაკლი შოთაძეს რომ ეკადრებინა და საერთოდ არ ვყოფილვარო ეთქვა, სხვა არავინ შეეწინააღმდეგებოდა, მხოლოდ ის კაცი შეეწინააღმდეგებოდა - არა, ესწრებოდაო, რომელმაც თქვა, 17 მილიონი გამოვართვი ჩემს მეგობარს, წარმოდგენა არ მქონდა, რომ იმ დღეს ეს 17 მილიონი ჩემი ბანკიდან ჰქონდა გატანილიო. გულწრფელად თქვა, რომ შევესწარი, ვიყავი პირად საქმეზე მისული და ეს გულწრფელობა დაისაჯა ახალი სპეკულაციებით, თურმე გულწრფელობა ისჯება სპეკულაციებით, ამას უნდა შევეგუოთ“,- განაცხადა მდინარაძემ.

რაც შეეხება ოპოზიციის მხრიდან გამოცხადებელ ბოიკოტს, ამას მდინარაძე პოლიტიკური ურთიერთობის ახალ სტილს უწოდებს.

„ახალი სტილი მივიღეთ პოლიტიკური ურთიერთობის. შეუძლია ოპოზიციის წარმომადგენელს და რა თქმა უნდა, შეუძლია, უბრალოდ, გზაზე მივუთითებ, რა გზა აირჩიეს, გამოაცხადოს ბოიკოტი, მერე ერთი 15-წუთიანი განცხადება გააკეთოს, პასუხი არ მოისმინოს, წინა დღესთან დაკავშირებით არგუმენტები თქვას, რომელზეც პასუხები მოსმენილი აქვს“, - განაცხადა მდინარაძემ.

დავით იაკობიძე - მთავარია, კარგად ვიცოდეთ, რა გვინდა სოფლის მეურნეობასა და ეკონომიკაში და ვიცოდეთ, ვის შევთავაზოთ პარტნიორობა
მინდია დავითაძე - აუცილებელია საქპატენტის უწყვეტ რეჟიმში ფუნქციონირება, რათა ბიზნესს შექმნილ ვითარებაში პრობლემა არ შეექმნას
ქართული პრესის მიმოხილვა 06.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია
Yandex.Taxi საქართველოში კორონავირუსისგან დაზარალებული მძღოლებისთვის ფინანსური მხარდაჭერის ფონდს აფუძნებს
„დანკინმა“ ინფექციურის  და პირველი საუნივერსიტეტო კლინიკის მედიკოსებს საუზმე მიართვა