იაპონია კორონავირუსის სამკურნალოდ აივ-ინფექციის სამკურნალო პრეპარატების კლინიკურ გამოცდას იწყებს. ამის შესახებ ინფორმაციას მთავრობის მდივანი იოშიჰიდე შუგა ავრცელებს.
„ჩვენ ამ ეტაპზე ვემზადებით, რომ დავიწყოთ აივ პრეპარატების კლინიკური გამოცდა კორონავირუსის სამკურნალოდ“,-განაცხადა შუგამ ბრიფინგზე.
მთავრობის მდივანს არ დაუკონკრეტებია რამდენი ხანი დასჭირდება ცდებს, რომ საბოლოო დასკვნები დაიდოს.
ცნობისთვის, იაპონიაში კორონავირუსის 500-ზე მეტი შემთხვევა ფიქსირდება. აქედან 450 Diamond Princess-ის საკრუიზო გემზე დადასტურდა, რომელიც იოკოჰამას პორტშია გაჩერებული.