ჩეხეთის ელჩი - ჩვენ ვიღებთ განცხადებებს საქართველოდან დასაქმებასთან დაკავშირებით, ჩვენ გვაქვს კვოტა და ის ყოველთვის ივსება
ჩვენ ვიღებთ განცხადებებს საქართველოდან დასაქმებასთან დაკავშირებით, ჩვენ გვაქვს კვოტა და ის ყოველთვის ივსება,- ამის შესახებ ჟურნალისტებთან ჩეხეთის ელჩმა საქართველოში, პეტერ მიკისკამ განაცხადა.
მისივე თქმით, უცხო ქვეყნის მოქალაქეთა დასაქმების შესაძლებლობები მთელს მსოფლიოში არსებობს და ეს ჩეხეთსაც კარგად აქვს რეგულირებული.
„ჩემს ქვეყანაში არის ამის შესაძლებლობა. კონკრეტულად რომელ სექტორში, ასე ვერ ვიტყვი, რადგან ჩვენ შეზღუდვები არ გვაქვს და ნებისმიერ სექტორში შეუძლიათ ადამიანებს დასაქმება ითხოვონ. ჩვენ ეს პროცესები კარგად გვაქვს რეგულირებული.
ვიღებთ განცხადებებს საქართველოდან, თუმცა ზუსტი სტატისტიკა არ შემიძლია გითხრათ, რადგან ჩვენ გვაქვს კვოტა, რომლის ზემოთაც რამდენი განაცხადი შემოვა, ამის სტატისტიკას არ ვაწარმოებთ, თუმცა, კვოტა ყოველთვის ივსება,"- განაცხადა ელჩმა.
