არჩევნების საბოლოო გამარჯვებულად მეორე ვადით აშრაფ ღანი გამოცხადდა. საპრეზიდენტო არჩევნების შედეგები საზოგადოებას საარჩევნო კომისიის ხელმძღვანელმა ჰავა ალამ ნურისტანიმ ქაბულში გამართულ პრესკონფერენციაზე ამცნო.
70 წლის აშრაფ ღანის ხმების 50.64% ერგო, მის მთავარ კონკურენტს აბდულა აბდულას კი 39.52%.
ოპონენტები აცხადებენ, რომ სექტემბერში გამართულ არჩევნებზე ადგილი ჰქონდა თაღლითობას და ბიომეტრიულ აპარატებთან დაკავშირებულ ტექნიკურ პრობლემებს, დარღვევების გამო, კი მილიონზე მეტი ხმა გაუქმდა.
აშრაფ ღანი პრეზიდენტად პირველი ვადით 2014 წლის სექტემბერში აირჩიეს.