სამოქალაქო მოძრაობა „შეცვალე“ საქართველოს რაგბის ნაკრებთან დაკავშირებით გავრცელდებულ ინფორმაციას ეხმაურება და აცხადებს, რომ აღნიშნული ინფორმაცია „ბოტებმა“ და ,,ქართული ოცნების” მხარდამჭერებმა გაავრცელეს. როგორც „შეცვალეს“ მიერ გავრცელებულ ინფორმაციაშია აღნიშნული, ეს არის სამოქალაქო ატივისტების დისკრედიტაციის მიზნით გავრცელებული ინფორმაცია.
„სამთავრობო ფეისბუქ გვერდებმა, „ბოტებმა“ და ,,ქართული ოცნების” მხარდამჭერებმა, გაავრცელეს ინფორმაცია, რომ მოძრაობა ,,შეცვალე” ბოიკოტს უცხადებს საქართველოს რაგბის ნაკრებს და მოუწოდებს საზოგადოებას არ უგულშემატკივრონ მათ.
ეს არის სამოქალაქო ატივისტების დისკრედიტაციის მიზნით გავრცელებული ცრუ ინფორმაცია. გვინდა მადლობა ვუთხრათ ქართველ მორაგბეებს იმისთვის რომ, ყველა თამაშზე ბოლომდე იბრძვიან გამარჯვებისთვისა და ჩვენი ქვეყნის წარმატებისთვის“, - ნათქვამია „შეცვალეს“ მიერ გავრცელებულ ინფორმაციაში.