ქეთევან ციხელაშვილი უკრაინის პრეზიდენტის სპეციალურ წარმომადგენელს ყირიმის ავტონომიურ რესპუბლიკაში, ანტონ კორინევიჩს შეხვდა

შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი უკრაინის პრეზიდენტის სპეციალურ წარმომადგენელს ყირიმის ავტონომიურ რესპუბლიკაში, ანტონ კორინევიჩს შეხვდა.

როგორც „ინტერპრესნიუსს“ სახელმწიფო მინისტრის აპარატიდან აცნობეს, მხარეებმა ორი ქვეყნის სამშვიდობო პოლიტიკა და კონფლიქტის მშვიდობიანი მოგვარების კუთხით გაწეული ძალისხევა განიხილეს. ამასთან, მინისტრმა სტუმარს ცხინვალის რეგიონსა და აფხაზეთში არსებულ ვითარებაზე მიაწოდა ინფორმაცია.

„კიდევ ერთხელ დავუდასტურეთ საქართველოს მხარდაჭერა უკრაინას იმ უსამართლო ბრძოლაში თავისუფლებისთვის, რომელიც მას ბოლო წლების განმავლობაში აქვს. აბსოლუტურად მიუღებელია რუსეთის მხრიდან სამხედრო ესკალაცია, რაც კიდევ უფრო მეტ რისკს ქმნის რეგიონში სტაბილურობისა და უსაფრთხოებისათვის. ხაზი გაესვა, რომ აუცილებელია პროცესის მშვიდობიან ჩარჩოში წარმართვა. სამწუხაროდ, ჩვენ გვაერთიანებს საერთო გამოწვევა, გვაერთიანებს საერთო მშვიდობიანი მიდგომაც, საინტერესო იყო მათი ხედვების მოსმენა. კიდევ ერთხელ, ის პრობლემები, რომლებიც ჩვენ სახელმწიფოებს აწუხებს, ეს არ არის საუბედუროდ შემთხვევითი, რუსეთი არის საერთო აქტორი, ეს არის ჩვენი საერთო უსაფრთხოების გამოწვევა და რა თქმა უნდა, მნიშვნელოვანია ჩვენ ევროპელ და ამერიკელ პარტნიორებთან და მთელ საერთაშორისო თანამეგობრობასთან ერთად გადავდგათ დინამიური ნაბიჯები კონფლიქტის რეალური მოგვარებისკენ,“ - განაცხადა ქეთევან ციხელაშვილმა.

„შეხვედრაზე აღინიშნა, რომ კონფლიქტების მიმართულებით, საქართველოს და უკრაინას საერთო გამოწვევები აქვთ. შეხვედრის ბოლოს, მხარეებმა თანამშრომლობის გაღრმავებაზე ორმხრივ და მრავალმხრივ ფორმატებში მზადყოფნა გამოთქვეს,“ - ნათქვამია ინფორმაციაში.

იხილეთ ვიდეო

დავით იაკობიძე - მთავარია, კარგად ვიცოდეთ, რა გვინდა სოფლის მეურნეობასა და ეკონომიკაში და ვიცოდეთ, ვის შევთავაზოთ პარტნიორობა
მინდია დავითაძე - აუცილებელია საქპატენტის უწყვეტ რეჟიმში ფუნქციონირება, რათა ბიზნესს შექმნილ ვითარებაში პრობლემა არ შეექმნას
ქართული პრესის მიმოხილვა 06.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია
Yandex.Taxi საქართველოში კორონავირუსისგან დაზარალებული მძღოლებისთვის ფინანსური მხარდაჭერის ფონდს აფუძნებს
„დანკინმა“ ინფექციურის  და პირველი საუნივერსიტეტო კლინიკის მედიკოსებს საუზმე მიართვა