ადვოკატი აცხადებს, რომ სამტრედიაში მეუღლის მკვლელობის საქმეზე დაკავებულს ჯერ არ შეხვედრია და ამ დროისთვის ინფორმაცია არ აქვს, აღიარებს თუ არა ის ბრალს

სამტრედიაში მეუღლის მკვლელობის საქმეზე დაკავებული ამ დროისთვის დროებითი მოთავსების იზოლატორშია მოთავსებული. მის ინტერესებს იურიდიული დახმარების სამსახურის ადვოკატი პავლე კაკაბაძე იცავს. ადვოკატის თქმით, ის ჯერ მისი დაცვის ქვეშ მყოფს არ შეხვედრია და ამიტომ დეტალებზე ვერ ისაუბრებს.

ადვოკატის თქმით, მისი დაცვის ქვეშ მყოფს უახლოეს მომავალში შეხვდება.

„მე, როგორც საზოგადოებრივ ადვოკატს, დამევალა ბრალდებულის ინტერესების დაცვა, რომელიც დღეის მდგომარეობით არის დაკავებული. ამ ეტაპზე საქმის მასალებთან წვდომა არ მქონია, მეტიც არ შევხვედრილვარ ჩემი დაცვის ქვეშ მყოფს, ეს წუთია ავიღე ორდერი, რომ შევხვდე. ამის შემდეგ შემეძლება დეტალური ინფორმაცია, მასთან შეთანხმებით მოგაწოდოთ. ამ დროისთვის არ მაქვს ინფორმაცია აღიარებს თუ არა ბრალს. საპროცესო კანონმდებლობის შესაბამისად, აღნიშნული ქმედება სავალდებულო დაცვას ექვემდებარება და ყველა საპროცესო მოქმედება უნდა განხორციელდეს ადვოკატის თანდასწრებით. კანონმდებლობით, 48 საათში პირს უნდა წარედგინოს ბრალი და საქმე გადაეცეს სასამართლოს აღკვეთის ღონისძიების შეფარდებასთან დაკავშირებით. აღნიშნული ქმედება ჩადენილია სამტრედიაში, ამ ეტაპზე ჩემთვის უცნობია, რომელი სასამართლოს განსჯადი იქნება", - განაცხადა პავლე კაკაბაძემ.

შეგახსენებთ, რომ გუშინ სამტრედიაში, ახალგაზრდა ქალი იუსტიციის სახლში განქორწინების მიზნით იყო მისული, რა დროსაც ქმარი დახვდა და დანით ჭრილობა მიაყენა. როგორც გარდაცვლილის მამა ამბობს, მან შვილი იუსტიციის სახლში მიიყვანა და ვიდრე თავადაც შევიდოდა, სიძე მის შვილს თავს დაესხა. შენობაში შესულს კი მისი შვილი გარდაცვლილი დახვდა.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ეკა ლეკაშვილი - ხელისუფლებამაც და საზოგადოების ნაწილმა ისწავლა კოვიდ ინფექციასთან თანაცხოვრება
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
თბილისს უახლოეს ხანში ძველი თბილისის შთაგონებით შექმნილი გასტრონომიული დუქანი "რიგი" შეემატება
„ევრონიუს ჯორჯია“ ქართულენოვანი მაუწყებლობის დაწყებას აღნიშნავს
გაეროს მსოფლიო ტურიზმის ორგანიზაციის TEDQUAL სერტიფიკატის გადაცემის ცერემონიალი კავკასიის უნივერსიტეტში
Mastercard-სა და საქართველოს ტურიზმის ეროვნულ ადმინისტრაციას შორის ურთიერთთანამშრომლობის მემორანდუმი გაფორმდა
ხელოვნური ინტელექტი ევრაზიაში – ბიზნესისა და ტექნოლოგიების უნივერსიტეტის პანელი თბილისში ჩატარებულ საერთაშორისო ფორუმზე
BTU-ს „ინიციატივა 5.0” და უმნიშვნელოვანესი პროექტები, რომელიც საქართველოში ციფრული ეკონომიკის გაძლიერებას ისახავს მიზნად
Samsung The Sero - ტელევიზორი, რომელიც ბრუნავს იმისთვის, რომ შენს სმარტფონს მოერგოს