ფრაქცია „ნაციონალური მოძრაობის" თავმჯდომარე, რომან გოცირიძე არ აკონკრეტებს, დაუბრუნდება თუ არა ვანო მერაბიშვილი სასჯელაღსრულების დაწესებულების დატოვების შემდეგ პოლიტიკას და ასევე, რომელი პოლიტიკური პარტიის რიგებში შეიძლება ვიხილოთ.

როგორც მან ჟურნალისტებს განუცხადა, ვანო მერაბიშვილი მის გეგმებზე თავად ისაუბრებს.

„ვანო მერაბიშვილი იყო პოლიტიკური პატიმარი, რაც დაამტკიცა ევროპის ადამიანის უფლებათა სასამართლომ. ის შეიძლება ითქვას, იყო ივანიშვილის პირადი პატიმარი. მერაბიშვილი 7 წლის განმავლობაში უსამართლოდ იჯდა ციხეში. სასიხარულოა, რომ ხვალ დააღწევს თავს ამ რეპრესიულ, უსამართლო სასჯელს. რაც შეეხება მის პოლიტიკურ გეგმებს, ის თავად იტყვის ხვალ პირველი. ხვალ გვეცოდინება მისი პოზიცია და მისი მომავალი გეგმების შესახებ", - განაცხადა გოცირიძემ.