თორნიკე შარაშენიძე - როცა აღარ მოეწონათ უგულავას აქტიურობა პოლიტიკაში, ციხეში შეაბრუნეს, მე მგონი, მერაბიშვილზეც იგივე სცენარი გათამაშდება

როცა აღარ მოეწონათ უგულავას აქტიურობა პოლიტიკაში, ციხეში შეაბრუნეს, მე მგონი, მერაბიშვილზეც აბსოლუტურად იგივე სცენარი გათამაშდება, - ამის შესახებ ექსპერტმა თორნიკე შარაშენიძემ განაცხადა, რითაც ჟურნალისტების მიერ დასმულ შეკითხვას უპასუხა.

მისი თქმით, ხელისუფლება დაიტოვებს რაიმე საქმეს, რითაც „ნებისმიერ მომენტში ციხეში შეაბრუნებენ”.

„მანდ ნაკლებად საჭიროა ვანგობა. ჩვენ ვუყურებთ, რა მოხდა უგულავას შემთხვევაში. გამოუშვეს, მაგრამ დაიტოვეს საქმე, რომლითაც შეეძლოთ ნებისმიერ მომენტში შეებრუნებინათ. როცა აღარ მოეწონათ უგულავას აქტიურობა პოლიტიკაში, ციხეში შეაბრუნეს. მე მგონი მერაბიშვილზეც აბსოლუტურად იგივე სცენარი გათამაშდება - დაიტოვებენ რაიმე საქმეს, რომლითაც ნებისმიერ მომენტში შეაბრუნებენ მას ციხეში. ეს უკვე, ასე ვთქვათ, დაცდილი მეთოდია „ქართული ოცნების”,- განაცხადა შარაშენიძემ.

რაც შეეხება ვანო მერაბიშვილის სავარაუდო პოლიტიკურ გეგმებს, შარაშენიძის თქმით, მერაბიშვილი შესაძლოა, წავიდეს „ნაციონალურ მოძრაობაში“ ან „ევროპულ საქართველოში”, „ან შეიძლება საერთოდ ორი პარტიის შერიგება გადაწყვიტოს“.

„ჩემი აზრით, ისევე როგორც ნებისმიერი ნორმალური ადამიანი, ალბათ, ჯერ წავა ოჯახში, რაღაც გარკვეულ დროს მოახმარს ფსიქოლოგიურ რეაბილიტაციას, დასვენებას და ამის მერე გადაწყვეტს სად წავა, მე ამას ვერ ვიტყვი. ბუნებრივია, ალბათ, ყველა ვვარაუდობთ, რომ წავა „ნაციონალურ მოძრაობაში” ან „ევროპულ საქართველოში” ან შეიძლება გადაწყვიტოს საერთოდ შერიგება ორი პარტიის. კაცი 7 წელია ციხეში ზის და ძალიან რთულია, როცა მისგან არაფერი არ მოგვისმენია, განცხადება არ გაუკეთებია საჯაროდ, რთულია პროგნოზი გააკეთო, რას აპირებს“, - განაცხადა შარაშენიძემ.

შეგახსენებთ, შინაგან საქმეთა ყოფილი მინისტრი, მსჯავრდებული ვანო მერაბიშვილი თითქმის 7-წლიანი პატიმრობის შემდეგ, პენიტენციურ დაწესებულებას, ე.წ. მატროსოვის ციხეს ხვალ, 20 თებერვალს დატოვებს. მერაბიშვილს პატიმრობის ვადა სწორედ ამ დღეს ეწურება.

ავთანდილ წულაძე - მაკრონის, შოლცისა და ტუსკის შეხვედრის შემდეგ ცხადი გახდა, რომ უკრაინის იარაღის გარეშე დატოვების გეგმა ჩავარდა, ევროპისა და უკრაინა-რუსეთს შორის სამხედრო დაპირისპირება გაგრძელდება  და გაღრმავდება
ახალი ზოოპარკი და ახალი ბინადრები, რომელთა ნახვაც დამთვალიერებლებს შეეძლებათ - რა ეტაპზეა თბილისის ზღვაზე ახალი ტერიტორიის მოწყობა?
ქართული პრესის მიმოხილვა 18.03.2024
კავკასიის ავტომარკეტი - ავტომობილის ყიდვის ახლებური გამოცდილება
ქართული ღვინის წარმატება იაპონიაში - TSV Estate Winery-მ განსაკუთრებული მოწონება დაიმსახურა
ახალი „ბაკურიანი“ ხილის გემოთი - ნატურალური მინერალური წყალი, ბაკურიანის მთებიდან, ნაკლები შაქრით