ავსტრალიელი მკვლევარი - გლობალური დათბობა ანტარქტიკაზე ყინულის მასიურ შეუქცევად დნობას იწვევს

გლობალური დათბობა ანტარქტიკული ყინულის შეუქცევად მასიურ დნობას იწვევს და ამ პროცესის შეჩერების ერთადერთი გზა ატმოსფეროს ნახშირბადისგან გაწმენდაა, - ამის შესახებ კლიმატის საკითხებში ავსტრალიელმა მეცნიერმა ზოე თომასმა „როიტერს“ განუცხადა.

როგორც ახალი სამხრეთ უელსის უნივერსიტეტის მკვლევარმა აღნიშნა, ადამიანების ბოლოდროინდელმა საქმიანობამ გლობალური დათბობის პროცესი გააძლიერა, რამაც შეიძლება ანტარქტიკის მასიური დნობა გამოიწვიოს.

ანტარქტიკული ყინულის დნობის შესახებ მკვლევარების საერთაშორისო ჯგუფის მიერ ბოლოს გამოქვეყნებულ კვლევაში ნათქვამია, რომ მსოფლიოში უფრო თბილი კლიმატის პირობებში დასავლეთ ანტარქტიკის ყინულის საფარის დიდი ნაწილი შეიძლება დაიკარგოს.

„ანტარქტიკული ყინულის საფარის დნობის პროცესი როგორც კი გარკვეულ ზღვარს მიაღწევს, ძალისხმევის მიუხედავად, მისი შეჩერებას ვეღარ შევძლებთ“, - განაცხადა ზოე თომასმა.

მისივე თქმით, ეს ყველაფერი კიდევ უფრო მეტ ადამიანს აიძულებს საცხოვრებელი ადგილი მიატოვოს.

შეგახსენებთ, წელს, 6 თებერვალს ანტარქტიკაზე ყველაზე თბილი ტემპერატურა - მინუს 18 გრადუსი ცელსიუსი დაფიქსირდა.

იხილეთ ვიდეო: გლობალური დათბობა ანტარქტიკაში ყინულის მასიურ შეუქცევად დნობას იწვევს - აცხადებს ავსტრალიელი მკვლევარი

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა