საქართველოს პარლამენტში, დღეს ფინანსთა მინისტრს მოუსმენენ. ივანე მაჭავარიანი საკანონმდებლო ორგანოში "მინისტრის საათის" ფორმატში წარდგება.

მინისტრის გამოსვლას, ბოიკოტიდან გამომდინარე, კვლავ არ დაესწრება საპარლამენტო ოპოზიცია. შესაბამისად, ივანე მაჭავარიანი პლენარულ სხდომაზე უმრავლესობისა და დამოუკიდებელი დეპუტატების მიერ დასმულ კითხვებს უპასუხებს.

შეგახსენებთ, რომ საგაზაფხულო სესიის ფარგლებში პარლამენტმა "მინისტრის საათის" ფორმატში უკვე მოუსმინა ჯანდაცვის მინისტრ ეკატერინე ტიკარაძეს.