აშშ-ის პრეზიდენტმა დონალდ ტრამპმა ქვეყნის დაზვერვის სამსახურის მოქმედი დირექტორის თანამდებობაზე გერმანიაში აშშ-ს ელჩი რიჩარდ გრენელი წარადგინა.
„რიკმა ჩვენი ქვეყანა განსაკუთრებულად კარგად წარმოადგინა და მოუთმენლად ველი მასთან მუშაობას,“- წერს ტრამპი სოციალურ ქსელ „ტვიტერში.“
მან ასევე მადლობა გადაუხადა ყოფილ მოქმედ დირექტორს ჯოზეგ მაგუაერს „სამუშაოს არაჩვეულებრივად შესრულებისთვის.“
შეგახსენებთ, დაზვერვის სამსახურის ყოფილი ხელმძღვანელი დენ ქოუთსი თანამდებობიდან 2019 წლის აგვისტოს გადადგა. მედიის ინფორმაციით, ტრამპსა და ქოუთს რუსეთისა და ჩრდილოეთ კორეის საკითხებზე განსხვავებული მოსაზრებები ჰქონდათ.