გერმანიაში დღეს მომხდარი სროლის შედეგად დაჭრილი კიდევ ერთი ადამიანი დაიღუპა და მსხვერპლის რიცხვი 9-მდე გაიზარდა, - ამის შესახებ ინფორმაციას „როიტერსი“ ადგილობრივ სამართალდამცავებზე დაყრდნობით ავრცელებს.
გავრცელებული ინფორმაციით, მკვლელობაში ეჭვმიტანილი პირი საკუთარ სახლში გარდაცვლილი იპოვეს. მასთან ერთად ნაპოვნია კიდევ ერთი ადამიანის ცხედარი.
შეგახსენებთ, დღეს გერმანიის ქალაქ ჰანაუში, რომელიც ფრანკფურტთან ახლოს მდებარეობს, შეიარაღებული პირი ორ სხვადასხვა ლოკაციაზე ჩილიმ ბარებს დაესხა თავს, რის შედეგადაც დაიღუპა 9 და დაშავდა 4 ადამიანი.
ინციდენტების მოტივი ჯერჯერობით ცნობილი არაა.