ირაკლი სესიაშვილი - გიგა ბოკერიას ვურჩევ, რომელიც მერაბიშვილის მეგობარია, აუხსნას, რომ აღარ ცხოვრობს იმ ქვეყანაში, სადაც შეიძლება დამხობა ან გვამების მოთხოვნა

ვურჩევ გიგა ბოკერიას, რომელიც მერაბიშვილის მეგობარია, აუხსნას, რომ აღარ ცხოვრობს იმ ქვეყანაში, სადაც შეიძლება დამხობა ან გვამების მოთხოვნა, - ასე გამოეხმაურა თავდაცვისა და უშიშროების კომიტეტის თავმჯდომარე ირაკლი სესიაშვილი ვანო მერაბიშვილის განცხადებებს, რომელიც მან “მატროსოვის ციხის” დატოვების შემდეგ გააკეთა.

როგორც მან აღნიშნა, ქართველ ხალხს არ დავიწყებია ის დანაშაულები, რაც მერაბიშვილმა სააკაშვილის ხელმძღვანელობით ჩაიდინა.

"მერაბიშვილი ციხიდან არ გამოსულა, რომ უკვე დამხობაზე გველაპარაკება. ცხადია, ქართველ ხალხს არ დავიწყებია ის დანაშაულები, რაც ბატონმა მერაბიშვილმა თავისი სააკაშვილის ხელმძღვანელობით ჩაიდინა. იგივე გირგვლიანის საქმის გაყალბება, “იმედის” ქონების მიტაცება, გელაშვილის ცემის ფაქტი და ა.შ. მათ სამწუხაროდ, არ აქვთ განცდა, რომ დანაშაულები ჩაიდინეს და ამ დანაშაულებზე ელემენტარულად ბოდიში მოიხადონ და ქართულ საზოგადოებას თვალებში ჩახედონ", - განაცხადა სესიაშვილმა.

კომიტეტის თავმჯდომარის თქმით, მათი სტილი როგორც ჩანს, არ იცვლება.

„მე ვურჩევ გიგა ბოკერიას, რომელიც მერაბიშვილის მეგობარია, აუხსნას, რომ აღარ ცხოვრობს იმ ქვეყანაში, სადაც შეიძლება დამხობა ან გვამების მოთხოვნა. დანარჩენს ყველაფერს ქართველი ხალხი არჩევნებში გასცემს პასუხს. ის დანაშაულები, რაც სააკაშვილის რეჟიმმა მთავარი შემოქმედის მონაწილეობით ჩაიდინა ქართველი ხალხის წინაშე, ხალხი ვერ დაივიწყებს. მეტიც, მათ ამ დანაშაულების განცდის უნარი და მზაობა არ აქვთ. შესაბამისად, ცხადია, ისინი ექცევიან ისევ იმ გარემოსა და პოლიტიკურ იდეოლოგიაში, რომლის მთავარი ხერხია როგორ დაამხონ ხელისუფლება, როგორ აურიონ სიტუაცია და დაუბრუნდნენ ძალადობას. ასეთ წარსულს არ დავუბრუნდებით! გვამების მოთხოვნის, რუსთაველზე სისხლიანი ადამიანების დაყრის და სხვა მძიმე დანაშაულების დრო და ადგილი ამ ქვეყანაში დასრულდა!" - განაცხადა სესიაშვილმა.

შეგახსენებთ, რომ ე.წ. მატროსოვის ციხიდან ახლად გამოსულმა ყოფილმა პრემიერ-მინისტრმა ვანო მერაბიშვილმა განაცხადა, რომ აქტიურ პოლიტიკაში ჩართვას გეგმავს. მან საზოგადოებას პირობა მისცა, რომ "საქართველოს დღევანდელი ხელისუფლება 1 წელიწადში დასრულდება", რაც მისი თქმით, "აუცილებელია, იმისთვის, რომ ქვეყანაში დაიწყოს განვითარება, ხალხის კეთილდღეობა გაიზარდოს, გაქრეს უიმედობა, ახალგაზრდობას მიეცეს პერსპექტივა, ადამიანებს დასაქმება და ღირსეული ხელფასი, მოხუცებს კი ღირსეული პენსია". ამასთანავე, მერაბიშვილის განცხადებით, ხელისუფლების დამხობის მერე, "მატროსოვის" "კარი ფართოდ გაიხსნება და ყველა პოლიტპატიმარი გათავისუფლდება".

იხილეთ ვიდეო

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო