სიტყვა ადეკვატური და ზურაბიშვილი არის ოქსიმორონი, როგორც ცხელი თოვლი, - ასე გამოეხმაურა „ევროპული საქართველოს” ერთ-ერთი ლიდერი, გიგა ბოკერია პრეზიდენტ სალომე ზურაბიშვილის მიერ მარტში ცენტრალურ აფრიკაში დაგეგმილი ვიზიტის გაუქმებას.
როგორც ბოკერიამ ჟურნალისტებს განუცხადა, ზურაბიშვილის ეს გადაწყვეტილებაც ადასტურებს ამას.
ცნობისთვის, გუშინ პრეზიდენტის აინისტრაციამ გაავრცელა განცხადება, რომლის თანახმადაც, ყოფილი ელჩის, მამუკა ჟღენტის მიერ სოციალურ ქსელში დაწერილი პოსტის გამო, რომელმაც ამ ვიზიტის შესახებ დაწერა, პრეზიდენტი და თავდაცვის სამინისტრო იძულებული გახდნენ მარტში, ცენტრალური აფრიკის რესპუბლიკაში დაგეგმილი ვიზიტი გააუქმონ.