ირანში კორონავირუსის ახალი შემთხვევები დაფიქსირდა. ადგილობრივი მედიის ინფორმაციით, ვირუსი 3 პაციენტს ლაბორატორიულად დაუდასტურდა. სამივე მათგანი ირანის მოქალაქეა და ისინი სხვადასხვა ქალაქებში იმყოფებიან.
გუშინ, თეირანში დაადასტურეს, რომ Covid-19-ით ქვეყნის ორი მოქალაქე დაიღუპა.
ამასთან, კორონავირუსი ლაბორატორიულად დღეს დაუდასტურდა რუსეთის ორ მოქალაქეს, რომლებიც Diamond Princess-ის საკრუიზო გემზე იმყოფებოდნენ. მედიის ინფორმაციით, ისინი ამ დროისთვის კარანტინში, იაპონიის ერთ-ერთ საავადმყოფოში არიან მოთავსებულნი.