გიორგი ვაშაძე - სახელმწიფომ სოფლის მეურნეობას გზა უნდა გაუკვალოს, ევროპასთან ასოცირებას ხელი ფორმალობისთვის არ მოგვიწერია

სტრატეგია „აღმაშენებლის“ ფარგლებში „ახალი საქართველოს“ თავმჯდომარე გიორგი ვაშაძე, სოფელ ტყაჩირში ადგილობრივ მეწარმეებს შეხვდა, სადაც ადგილზე გაეცნო ამ მიმართულებით არსებულ პრობლემებს. ამის შესახებ ინფორმაციას „ახალი საქართველო“ ავრცელებს.

ვაშაძის განცხადებით, სახელმწიფომ თავისი ფუნქცია უნდა შეასრულოს – რაც ლოჯისტიკის მოწესრიგებასა და ბაზარზე გატანის კუთხით მეწარმეებზე დახმარებას ითვალისწინებს.

„ჩვენ გვაქვს ძალიან კონკრეტული გეგმა სოფლის მეურნეობის განვითარების. მთავარი არის სახელმწიფომ თავისი ფუნქცია შეასრულოს და სოფლის მეურნეობას გზა გაუკვალოს, იმისთვის რომ ახალი ბაზრების ათვისება მოხდეს.

ევროპასთან ასოცირებას ხელი არ მოგვიწერია უბრალოდ ფორმალობისთვის, ამით მეწარმეებმა უნდა ისარგებლონ.

ჩვენ სოფელში განვითარების ამ კერას გავაჩენთ, სწორედ აქედან მოდის ქვეყნის სიძლიერე. ჩვენ ვიმყოფებით სოფელ ტყაჩირში და გარშემო რაიონები დაიცალა ხალხისგან მარტივი მიზეზის გამო – ვერ ხედავენ განვითარების შესაძლებლობას ადგილზე. გვაქვს პოტენციალი, რომელიც უნდა გამოყენოთ. სახელმწიფო უნდა ჩაერიოს, ფინანსური მხარდაჭერა არავის არ უთხოვია ერთადერთი, რაც თქვეს, რომ მოწესრიგდეს ლოჯისტიკა და გასაღების ბაზრებზე მოხდეს სახელმწიფოს მხრიდან დახმარება.ძალიან დიდი პოტენციალია, რომელსაც რეალიზება სჭირდება“, – განაცხადა გიორგი ვაშაძემ.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან