ირაკლი აბესაძე - საპარლამენტო არჩევნების წელს რუსეთს საქართველოს პოლიტიკურ პროცესებში ჩარევის ბოროტი ზრახვები ექნება

საპარლამენტო არჩევნების წელს რუსეთს საქართველოს პოლიტიკურ პროცესებში ჩარევის ბოროტი ზრახვები ექნება,- ამის შესახებ „ევროპული საქართველოს" წევრმა ირაკლი აბესაძემ ჟურნალისტებს განუცხადა, რითაც გამოეხმაურა რუსეთის მხრიდან საქართველოს წინააღმდეგ განხორციელებულ კიბერშეტევას. მისი შეფასებით, საქართველოს ხელისუფლებას რუსეთიდან მოსალოდნელ საფრთხეებზე სწორი ინსტიტუციური დამოკიდებულება არ აქვს.

„როდესაც აშშ-ის სახელმწიფო მდივანი, პენტაგონი, ევროპული სახელმწიფოების ოფიციალური წარმომადგენლები აკეთებენ განცხადებებს, რომ საქართველოზე მიტანილი კიბერშეტევის ავტორი იყო რუსეთის სპეცსამსახურები, ეს აბსოლუტურად სარწმუნოა. თუ საქართველოს მიმართ რუსეთის მტრულ დამოკიდებულებას გავიხსენებთ, ცალსახაა, რომ ეს არის სწორედ რუსეთის სპეცსამსახურების მიერ განხორციელებული. ძალიან მნიშვნელოვანია საქართველოს ხელისუფლების რეაქცია და მზაობა, ასეთი ტიპის შემოტევებისგან თავის დაცვის თვალსაზრისით. წელს საარჩევნო წელია, მნიშვნელოვანი წელია და რუსეთს საქართველოს პოლიტიკურ პროცესებში ჩარევის ბოროტი ზრახვები ექნება.

სამწუხაროდ, საქართველოს ხელისუფლების რეაქცია დავინახეთ, რომელმაც მცდელობა დაიწყო, რომ გააძლიეროს სახელმწიფო უსაფრთხოების სამსახური, კიბერუსაფრთხოების საკითხებზე პასუხისმგებელ უწყებად სუს-ი აქციოს და მას მისცეს ყველა სახელმწიფო სტრუქტურის ტექნიკურ საშუალებებზე შეუზღუდავი წვდომის უფლება. ეს არ არის სწორი ინსტიტუციური პასუხი იმ გამოწვევებზე, რაც რუსეთის მხრიდან მოდის და მოსალოდნელია, რომ წლის მანძილზე იყოს", - განაცხადა აბესაძემ.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება