გია ხუხაშვილი - არავინ მეგულება ისეთი, ვინც ქუთაისში, პარლამენტის ყოფილი შენობის ყიდვით დაინტერესდება

ექსპერტ გია ხუხაშვილის განცხადებით, არავინ ეგულება ისეთი, ვინც ქუთაისში მდებარე პარლამენტის ყოფილი შენობის ყიდვით დაინტერესდება.

ამის შესახებ ექსპერტმა „ინტერპრესნიუსსს“ პარლამენტის ყოფილი შენობის სავარაუდო პრივატიზების საკითხზე კომენტირებისას განუცხადა.

„თუ ფუნქციას ვერ პოულობენ შენობისთვის ლოგიკურია, რომ ის გაიყიდოს. გარდა იმისა, რომ მშენებლობა ძვირი დაჯდა, შენობის შენახვაც რაღაც თანხა უჯდება ბიუჯეტს ყოველწლიურად, თუმცა მე ვერ წარმომიდგენია, ვინ შეიძლება ეს შენობა იყიდოს. სიმართლე გითხრათ, ასეთი არავინ მეგულება, იმიტომ, რომ მისი კონსტრუქციული თავისებურებებიდან გამომდინარე, სასტუმროდ და ტურისტულ კომპლექსად ალბათ, არ გამოდგება. თუ ვინმე ფულის გათეთრებას აპირებს, ერთი ეგაა“, - აღნიშნავს ხუხაშვილი.

შეგახსენებთ, „ინტერპრესნიუსის“ ინფორმაციით, მთავრობა ქუთაისში მდებარე პარლამენტის ყოფილი შენობის პრივატიზებას გეგმავს.

როგორც ცნობილია, თავდაპირველი ინფორმაციით, პარლამენტის ყოფილ შენობაში დასავლეთ საქართველოს საპოლიციო ჰაბის განთავსება იგეგმებოდა, თუმცა მიმდინარე წლის იანვარში „ინტერპრესნიუსისთვის“ ცნობილი გახდა, რომ შენობა შინაგან საქმეთა სამინისტროს აღარ გადაეცემოდა და ის ეკონომიკის სამინისტროს ბალანსზე გადავიდა, რაც სააგენტოს უწყებაში დაუდასტურეს.

შეგახსენებთ იმასაც, რომ საქართველოს პარლამენტი ქუთაისიდან თბილისში გასული წლის იანვრიდან დაბრუნდა, რის შემდეგაც შენობა ამ დრომდე დაკონსერვებულია.

ქუთაისში მდებარე პარლამენტის ყოფილი შენობა „ნაციონალური მოძრაობის“ ხელისუფლების ინიციატივით, 2010-2012 წლებში აშენდა და მისი მშენებლობა 340 მილიონ ლარზე მეტი დაჯდა.

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 21.04.2021
მსოფლიო 2021 წლის ინტელექტუალური საკუთრების დღეს სლოგანით  - „ინტელექტუალური საკუთრება და მცირე და საშუალო საწარმოები: თქვენი იდეების კომერციალიზაცია“ აღნიშნავს
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა