პრემიერი პოლიციელებს - ჩვენი ქვეყნის მშვიდი განვითარება დგას თქვენზე

ყველამ ერთი რამ უნდა ვიცოდეთ, ღირსეული პოლიციელის ყოველდღიური ცხოვრება არის და უნდა იყოს სახელმწიფო ზრუნვის საგანი, რასაც ვაკეთებეთ და გავაგრძელებთ, - ამის შესახებ პრემიერ-მინისტრმა გიორგი გახარიამ ბათუმში განაცხადა, სადაც პოლიციის რამდენიმე თანამშრომელს ბინები გადასცეს, რამდენიმე კი დააჯილდოვეს.

პრემიერის თქმით, ყოველთვის უნდა გვახსოვდეს ის პოლიციელები, რომლებაც საკუთარი სიცოცხლე გაიღეს.

„ჩემთვის დიდი პატივია, მქონდეს შესაძლებლობა, რომ თქვენ მოგმართოთ. რა თქმა უნდა, პოლიციაზე საუბარი შეუძლებელია იმის ხაზგასმის გარეშე, რომ ყველას, თითოეულ მოქალაქეს და პირველ რიგში, პოლიციელებს უნდა ესმოდეთ, რომ ჩვენი ქვეყნის მშვიდი განვითარება დგას თქვენზე. ეს არაერთხელ მითქვამს და როცა ამის საშუალება მექნება, ყოველთვის გავიმეორებ. არანაირი წარმატება არ იქნება მიღწევადი ვერცერთ სფეროში, დაწყებული განათლებიდან, ეკონომიკით დამთავრებული, ტურიზმით და კიდევ ბევრი მიმართულებით გაგრძელებული, თუ ქვეყანაში არ იქნება სიწყნარე, სიმშვიდე და რაც მთავარია, სამართლიანობის შეგრძნება. ბატონობო, ამას თქვენ უზრუნველყოთ. ამასთან ერთად, რა თქმა უნდა, ჩვენ ყოველთვის უნდა გვახსოვდეს ის პოლიციელები, რომლებმაც გაიღეს ყველაზე ძვირფასი, საკუთარი სიცოცხლე.“, - განაცხადა გახარიამ.

ამასთან, პრემიერ მინისტრმა მადლობა გადაუხადა შს მინისტრს, მინისტრის მოადგილეს და ხელმძღვანელობას.

„რასაც ყოველღიურად თქვენ აკეთებთ რიგით პოლიციელებთან ერთად, ჩვენი ქვეყნისთვის უაღრესად მნიშვნელოვანია. ეს არის ჩვენი ქვეყნის ხვალინდელ დღეზე ზრუნვა. ღირსეული მსახურება ქვეყნისთვის არის მნიშვნელოვანი.

მადლობას გიხდით და ჩვენ, სახელმწიფო, შსს, მთავრობა ვაკეთებთ იმ მინიმუმს, რისი ვალდებულებაც გვაქვს. ეს იქნება შესაბამისი ჯილდოები, შესაბამისი სოციალური უზრუნველყოფა, ჩვენ ყველამ ერთი რამ უნდა ვიცოდეთ ღირსეული პოლიციელის, ღირსეული ყოველდღიური ცხოვრება არის, უნდა გახდეს და უნდა იყოს სახელმწიფო ზრუნვის საგანი, რასაც ვაკეთბეთ და გავაგრძელებთ“, - განაცხადა გახარიამ.

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 19.04.2021
ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
დედამიწის დღე 2021: დედამიწის ეკოლოგიური მდგომარეობის აღდგენის უპრეცედენტო შესაძლებლობა
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა