კოტე კემულარია - ვანო მერაბიშვილის პოლიტიკაში ჩართვას მივესალმები

„გამარჯვებული საქართველოს“ წევრი კოტე კემულარია ყოფილი შს მინისტრის ვანო მერაბიშვილის პოლიტიკაში ჩართვას მიესალმება.

როგორც მან ჟურნალისტებს განუცხადა, კარგია, რომ ის არ აყვა „ამ ხელისუფლების ბინძურ თამაშებს და გაძლო ციხეში“.

ვანო მერაბიშვილის პოლიტიკაში ჩართვას მივესალმები. ის არის ძალიან გამოცდილი პიროვნება, აქვს პოლიტიკური მუშაობის და მათ შორის, წარმატების ფორმულის დიდი გამოცდილება. შესაბამისად, ჩვენ ვნახავთ როგორ ჩაერთვება ის.

ჩვენ ბევრი განსხვავებული ადამიანი ვართ აქ, ამ კონსულტაციებში ჩართული და არავინ არ ვაგებთ პასუხს აქ არც არავის წარსულზე და არც იმ პოლიტიკურ ნაბიჯზე, რომელსაც ამ ფორმატის მიღმა ჩვენი შემადგენლობა დგამს. თითოეული ვართ თავისუფალი. ვიღაცისთვის შეიძლება იყოს მიუღებელი, ვიღაცაში იწვევდეს რისკებს, ვიღაცაში შიშებს, მაგრამ თითოეული ადამიანი, ვინც კარგად იცის რა საშიშროებას წარმოადგენს ბიძინა ივანიშვილი და „ოცნება“ და იცის შესაბამისი მეთოდები არჩევნების გზით რომ დავამარცხოთ, ჩვენთვის არის ძალიან მნიშვნელოვანი,“ - განაცხადა კემულარიამ.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით