„ჯორჯიან მანგანეზის“ საოპერაციო დირექტორი - შუქრუთის მოსახლეობასთან 5-თვიანი მოლაპარაკებები უშედეგოდ დასრულდა და საბადოებზე მისასვლელი გზები გადაკეტილია

კომპანია „ჯორჯიან მანგანეზის“ საოპერაციო დირექტორის მერაბ ლომინაძის განცხადებით, ჭიათურაში, სოფელ შუქრუთში მოსახლეობასთან 5 თვიანი მოლაპარაკებები უშედეგოდ დასრულდა და საბადოებზე მისასვლელი გზები პარალიზებულია, რის გამოც კომპანია მუშაობას ვერ ახერხებს.

ლომინაძის განცხადებით, მათ მოსახლეობას შესთავაზეს ზარალის ანაზღაურება ან ალტერნატიული ფართები, რაზეც მოსახლეობამ უარი განაცხადა.

„5 თვიანი მოლაპარაკებები უშედეგოდ დასრულდა და მოსახლეობის მხრიდან საბადოებზე მისავლელი გზები არის გადაკეტილი, გზებზე მუდმივი მორიგეობაა, ჩვენ ვეწინააღმდეგებით ყველანაირ კომფრონტაციას და დაპირისპირებას, ამიტომ მსგავს ნაბიჯებს ჩვენ არ ვდგამთ და ველოდებით, რომ ყველაფერი დაუბრუნდეს გონივრულობას, ვინაიდან თუ უმოკლეს ვადებში არ მოხდება მაღაროებში შესვლა, მოხდება მაღაროების ჩამოქცევა. ჩვენ მოლაპარაკებების დროს, მოსახლეობას შევთავაზეთ ალტერნატიული ფართები, როგორც ქალაქ ჭიათურაში, ასევე ჭიათურის მუნიციპალიტეტის სხვა სოფლებში, ასევე მზად ვიყავით, რომ განგვეხილა სხვა ალტერნატიული ფართები სხვა ქალაქებში. ასევე მოხდა გაანგარიშება ზარალის, რომლის ანაზღაურებისთვის ჩვენ მზად ვიყავით, რაზეც მოსახლეობამ უარი განაცხადა.

დღეის მდგომარეობით, ჭიათურაში ნამდვილად მოქმედებენ ცალკეული ჯგუფები, რომლებიც დაინტერესებულები არიან მიწების დაუფლებით და შემდგომ უკვე კომპანიისათვის კომპენსაციების მოთხოვნით ამ მიწებში. რასაკვირველია, ეს პროცესი მიმდინარეობს კორუფციული სქემების გამოყენებით, რის შესახებაც უკვე ეცნობა სამართალდამცავ ორგანოებს და ისინი აწარმოებენ შესაბამის ქმედებებს. თუ მოხდება იმ ნეგატიური ფაქტორების გათიშვა, ვგულისხმობ, იმ ჯგუფებს, რომლებიც საკუთარი ინტერესებიდან გამომდინარე მოქმედებენ და ნაკლებად არიან დაინტერესებული საზოგადოებრივი სიკეთით, თუ მოხდება ამ ჯგუფების ნეიტრალიზება მათი რადიკალიზმისა და არაკონსტრუქციულობის თვალსაზრისით, მაშინ დარწმუნებული ვარ, რომ უმოკლეს ვადაში ჩვენ მოსახლეობასთან მივაღწევთ შეთანხმებას“, - განაცხადა მერაბ ლომინაძემ.

ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ქართული პრესის მიმოხილვა 12.04.2021
ევროპული მედიაცია ქართულ პოლიტიკურ კრიზისში: რას (ვერ) ჩავწვდით?
ვასილ ხოდელი - ლიბერთის ნებისმიერი სესხი გაიცემა საბაზრო პირობებით