გიორგი გახარია ჟურნალისტებს - არ ვიცი, სოფიო ქაცარავა გუნდიდან ოდესმე წასული იყო?

პრემიერ-მინისტრი გიორგი გახარია სოფიო ქაცარავას და ლევან იზორიას ელჩის თანამდებობაზე დანიშვნის შესახებ კომენტარს აკეთებს.

როგორც მან ჟურნალისტებს ლევან იზორიას შესახებ განუცხადა, ადამიანები თანამდებობებზე არა ნათესავების ქმედებებიდან გამომდინარე, არამედ პროფესიული ნიშნით ინიშნებიან.

„ლევან იზორია არის მაღალი კლასის პროფესიონალი. მორალური თვალსაზრისით ნათესავების ქმედებიდან გამომდინარე ხომ არ ვნიშნავთ ადამიანებს? ადამიანს ვნიშნავთ იმ პროფესიული ნიშნით, რომელიც მას გააჩნია. ლევან იზორიას განათლება გერმანიაში აქვს მიღებული. როგორც მე ვიცი, სამეცნიერო ხარისხი აქვს დაცული. ვიცით, რომ იყო ძალიან წარმატებული თავდაცვის მინისტრი, შემდგომ საგარეო დაზვერვის სამსახურის ხელმძღვანელი. ის ისეთი ელჩია, რომელიც ჩვენ გერმანიაში გვჭირდება“, - აღნიშნა გახარიამ.

რაც შეეხება კითხვას დიდ ბრიტანეთში ელჩად სოფიო ქაცარავას დანიშვნის შესახებ, რომელიც მმართველი გუნდიდან წავიდა, გახარიას თქმით, არ იცის, თუ ქაცარავა გუნდიდან წასული იყო.

„მე არ ვიცი, სოფიო ქაცარავა გუნდიდან ოდესმე წასული იყო? ის ელჩად ზუსტად იგივე კრიტერიუმებით შეირჩა - სოფო ქაცარავა ბრიტანეთში იქნება საქართველოს ღირსეული წარმომადგენელი“, - განაცხადა გახარიამ.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქართული პრესის მიმოხილვა 27.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია