ნაძალადევის რაიონში, კვერნაულის ქუჩაზე გრუნტის დამჭერი კედლის მოწყობა მიმდინარეობს. როგორც „ინტერპრესნიუსს“ თბილისის მერიიდან აცნობეს, პროექტის ფარგლებში, 50 მ სიგრძის და ექვსი მ სიმაღლის საყრდენი კედელი შენდება.

მერიის ინფორმაციით, ინფრასტრუქტურულ სამუშაოებს ნაძალადევის რაიონის გამგებელი ირაკლი ხელაძე თბილისის საკრებულოს მაჟორიტარ დეპუტატ ალექსანდრე ხუჯაძესთან ერთად გაეცნო.

„კვერნაულის ქუჩაზე გრუნტის ჩამოშლის საშიშროების გამო, საჭირო გახდა კედლის მშენებლობა. აღნიშნული პროექტი მნიშვნელოვანია ადგილობრივი მოსახლეობის უსაფთხოებისთვის. სამუშაოების დასრულების შემდეგ, მიწის ჩამოშლის საშიშროება აღარ გვექნება და გზის სავალი ნაწილი დაცული იქნება“, - განაცხადა ირაკლი ხელაძემ.

პროექტის ღირებულება 84 000 ლარს შეადგენს. სამუშაოები ნაძალადევის რაიონის გამგეობის დაფინანსებით სრულდება.