გიგა ბოკერიას განცხადებით, ოპოზიცია „გვარების დონეზეა მისული", რომელ კანდიდატებს დააყენებს თბილისის მაჟორიტარულ ოლქებში

ივანიშვილი პერსონალურად და მთელი მისი მასხრები უგუნურ, ბრიყვულ მდგომარეობაში არიან - ილუზია აქვთ, რომ რეპრესიებით, დაჭერებით, რაღაცნაირად შეინარჩუნებენ ძალაუფლებას,- ამის შესახებ " ევროპული საქართველოს" ერთ-ერთმა ლიდერმა გიგა ბოკერიამ საარჩევნო სისტემის შესახებ ოპიზიციის დღევანდელი შეკრების დაწყებამდე ჟურნალისტებს განუცხადა, რითაც გამოეხმაურა უმარვლესობის ლიდერის, მამუკა მდინარაძის მიერ საარჩევნო სისტემასთან დაკავშირებით დღეს გაკეთებულ განცხადებას.

"ივანიშვილი პერსონალურად და მთელი მისი მასხრები უგუნურ, ბრიყვულ მდგომარეობაში არიან - ილუზია აქვთ, რომ ამ დამოკიდებულებით, რეპრესიებით, დაჭერებით, დაჭერების შიშით, უტიფრობისა და საზოგადოების შეურაცხყოფით შეინარჩუნებენ ძალაუფლებას. რეალურად, ძალაუფლებას ვერ შეინარჩუნებენ, ოღონდ ქვეყნისთვის უფრო საზიანო სცენარია და მათთვის პოლიტიკურად ტრაგიკული იქნება. თუ მოხდა, რომ გონს მოეგნენ, გადადგეს ის ნაბიჯები, რაც მათთვის დიდი ხანია ცნობილია - რეპრესიების შეწყვეტა, პოლიტიკური პატიმრების გათავისუფლება და საზოგადოების დაკვეთის შესრულება, რომ არსებითად პროპორციულ საარჩევნო სისტემაზე გადავიდეთ, ეს იქნება კარგი ქვეყნისთვის. ჩვენ ვართ მოქნილები. ჩვენი მიზანი კრიზისი კი არ არის, ჩვენი მიზანია ქვეყნის ნაკლები ზიანით ამ ჩიხიდან გამოსვლა, რომელშიც ივანიშვილმა შეიყვანა. თუ არ მოეგებიან გონს, არჩევნებს ამ სისტემით ჩაატარებენ და კიდევ დაიჭერენ ლიდრებს, ჩვენ ამისთვის ვართ მზად ანუ 13 მაჟორიტარულ ოლქში, საკვანძო ადგილებში მოხდება კოორდინირება. რამდენი ლიდერიც არ უნდა დაიჭირონ, ეს ვერ შეაჩერებს საზოგადოების უდიდესი ნაწილის ბრაზს, ხოლო ქვეყანას დააზიანებენ და თავის ბედს შეუძლებელს გახდიან", - განაცხადა ბოკერიამ.

კითხვაზე, მაჟორიტარებთან მიმართებით თბილისში მიაღწევენ თუ არა შეთანხმებას, ბოკერიამ ასე უპასუხა: „ჩვენ გვარების დონეზე ვართ მისული საკვანძო ადგილას თბილისთან დაკავშირებით“.

ცნობისთვის, უმრავლესობის ლიდერმა მამუკა მდინარაძემ საარჩევნო სისტემის შესახებ დღეს განაცხადა, რომ თებერვლის შემდეგ შეუძლებელი იქნება საარჩევნო ცვლილებების განხორციელება.

"აქედან გამომდინარე, მათ თებერვლის ბოლომდე უნდა თქვან, უბრუნდებიან თუ არა დიალოგის მაგიდას და ასევე, უნდა თქვან თავიანთი შემხვედრი, ოდნავ რაციონალური წინადადება", - განაცხადა მამუკა მდინარაძემ.

იხილეთ ვიდეო

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ანა დოლიძე - მჯერა, რომ უკეთესი საქართველოსთვის ბრძოლას  აქვს აზრი
პარტია „რეფორმერის“ თავმჯდომარე თორნიკე ჯანაშვილი - შევქმენით პრეცენდენტი, თუ როგორ შეიძლება აწარმოო თანამედროვე პოლიტიკური საარჩევნო კამპანია
ჟურნალისტური ეთიკის ქარტიის გადაწყვეტილებით დადგინდა, რომ "მთავარი არხისა" და "TV 1"-ს ჟურნალისტებმა არქის შვილობილ კომპანიასთან მიმართებაში ცრუ ინფორმაცია გაავრცელეს
Colliers International Georgia-მ მტკვრის მარცხენა სანაპიროს უძრავი ქონების ფუნქციური ანალიზი განახორციელა
ნანა დევდარიანი - გაუპატიურების, ძალადობის, ცემის, წამების ამსახველი კადრები არავის დავიწყებია (R)
არჩილ ბენიძე - მწამებლებისა და მკვლელების დასჯა ერთადერთ პარტიას - "პატრიოტთა ალიანსს" შეუძლია (R)
„სილქფესტი“ მომხმარებლებს სასაუბრო და ინტერნეტ პაკეტებზე ულიმიტო პირობებს შესთავაზებს
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)