საქართველოს საპარლამენტო დელეგაციამ ეუთო-ს საპარლამენტო ასამბლეის ზამთრის სესიაში მიიღო მონაწილეობა

20-21 თებერვალს, ავსტრიის დედაქალაქში ეუთო-ს საპარლამენტო ასამბლეის მე-19 ზამთრის სესია გაიმართა.

50 ქვეყნის 300-მდე პარლამენტარმა ეუთო-ს სივრცეში მიმდინარე პროცესებზე დისკუსიები გამართეს და სპეციალურ მომხსენებლებს მოუსმინეს.

„დღეს ეუთოს საპარლამენტო ასამბლეის ზამთრის სესიის გაერთიანებული კომიტეტების სხდომაზე მიმდინარეობდა განხილვა პოლიტიკური და უსაფრთხოების თემებზე. დელეგაციის წევრმა ირაკლი ბერაიამ დისკუსიაში მიიღო მონაწილეობა. პარლამენტარმა ხაზი გაუსვა მძიმე ვითარებას უსაფრთხოებისა და ადამიანის უფლებების დაცვის მხრივ საქართველოს ოკუპირებულ რეგიონებში. „არსებული სიტუაცია მიუღებელია და მოვუწოდებთ საერთაშორისო თანამეგობრობას რათა განახორცილოს ზეწოლა რუსეთზე და მოუწოდოს საერთაშორისო სამართლის ნორმების და პრინციპების დასაცავად“, - ამის შესახებ დელეგაციის წევრმა, საქართველოს პარლამენტის საგარეო ურთიერთობათა კომიტეტის თავმჯდომარემ ირაკლი ბერაიამ განაცხადა.

„საერთაშორისო საპარლამენტო ფორუმს, ორი დღის განმავლობაში საქართველოს პარლამენტის მუდმივმოქმედი დელეგაცია, პარლამენტის თავმჯდომარის მოადგილის, კახა კუჭავას ხელმძღვანელობით ესწრებოდა. საპარლამენტო დელეგაციის წევრებმა, ორი დღის განმავლობაში, ეუთოს საპარლამენტო ასამბლეის მუდმივმოქმედ და გენერალური კომიტეტის მუშაობაში მიიღეს მონაწილეობა. ასამბლეის ფარგლებში ქართველმა პარლამენტარებმა ორმხრივი შეხვედრები გამართეს და მადლობა გადაუხადეს უცხოელ კოლეგებს მხარდაჭერისათვის, ასევე მოუწოდეს მათ კონკრეტული ქმედებებისაკენ.

ეუთოს საპარლამენტო ასამბლეის ზამთრის სესიას კახა კუჭავა, ირაკლი ბერაია, ირაკლი კობახიძე და ეუთოს საპარლამენტო ასამბლეის პრეზიდენტი, გიგი წერეთელი დაესწრნენ“, - აღნიშნულია საქართველოს პარლამენტის პრესსამსახურის მიერ გავრცელებულ ინფორმაციაში.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით