გიგლა ბარამიძე ხელისუფლებას - ნინო ბურჯანაძე ოპოზიციის ღირსეული სახეა და თქვენნაირების ღირსეული მეტოქე

მათიკაშვილი და მისნაირები კონგრესმენების წერილებს ვერ თარგმნიან და ბურჯანაძის ნათქვამს გაიგებენ კიბერშეტევაზე? რა იცის მათიკაშვილმა რა არის კიბერშეტევა? ამაზე ჯობია პროფესიონალებმა ისაუბრონ და უცხო ქვეყნის სპეცსამსახურებს მიხედონ, - ასე პასუხობს „ერთიანი საქართველოს” გენერალური მდივანი გიგლა ბარამიძე დავით მათიკაშვილს, სადაც ის კიბერშეტევასთან დაკავშირეით ნინო ბურჯანაძის განცხადებას გამოეხმაურა.

გიგლა ბარამიძის განცხადებით, „ ყველაზე დიდ კიბერშეტევას თავად „ოცნება“ ახორციელებს საკუთარ ხალხზე და ქვეყანაზე“.

„ასეთი მყისიერი განცხადებები ნეტა უკანონო ბორდერიზაციაზე გაგეკეთებინათ და ტერიტორიული მთლიანობის პრობლემა სულ ცოტათი მაინც მოგეგვარებინათ, ნეტა განცხადებები მაშინ გაგეკეთებინათ გავრილოვს რომ სვამდით პარლამენტის თავმჯდომარის სავარძელში და ახალგაზრდებისთვის ნეტა თვალები არ დაგეთხარათ, ნეტა მყისიერი განცხადებები იმაზე გაგეკეთებინათ სოციალურად დაუცველ ადამიანებს თქვენმა ხელისუფლებამ სტატუსი რომ მოუხსნა, იმაზე გააკეთეთ განცხადებები 150 ათასი ბავშვი მშიერი რომ გყავთ, რამდენი ნეტა, ნეტა გითხრათ „ოცნების“ ვაი პოლიტიკოსებო, თორემ ნინო ბურჯანაძე ოპოზიციის ღირსეული სახეა და თქვენნაირების ღირსეული მეტოქე“, - განაცხადა გიგლა ბარამიძემ.

აღნიშნულ ინფორმაციას „ერთიანი საქართველო- დემოკრატიული მოძრაობის“ პრესსამსახური ავრცელებს.

ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
ქართული პრესის მიმოხილვა 21.09.2020
ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)