საქართველოს ევროპის საბჭოს ადგილობრივ და რეგიონულ ხელისუფალთა კონგრესის პრეზიდენტი ეწვევა

ევროპის საბჭოს ადგილობრივ და რეგიონულ ხელისუფალთა კონგრესის პრეზიდენტი ანდერს კნაპე 22-25 თებერვალს საქართველოს ოფიციალური ვიზიტით ეწვევა, - ამის შესახებ ინფორმაციას ევროპის საბჭო აქვეყნებს.

მათივე ინფორმაციით, ვიზიტი ორგანიზებულია ევროპის საბჭოს მინისტრთა კომიტეტის საქართველოს თავმჯდომარეობის ფარგლებში.

„ანდერს კნაპე კონგრესის გენერალურ მდივან ანდრეას კიფერთან ერთად შეხვედრებს გამართავს ეროვნული და ადგილობრივი ქართული ინსტიტუტებისა და ხელისუფლების წარმომადგენლებთან. მოლაპარაკებების დროს სხვადასხვა საკითხებთან ერთად ყურადღება დეცენტრალიზაციის სტრატეგიაზეც იქნება გამახვილებული, რომელიც საქართველოს მთავრობამ იმ რეკომენდაციების საპასუხოდ მიიღო, რომელიც კონგრესმა 2018 წელს მონიტორინგის მიზნით განხორციელებული ვიზიტის შემდეგ შეიმუშავა. განსახილველ თემებს შორის იქნება მინისტრთა კომიტეტში საქართველოს თავმჯდომარეობის პრიორიტეტები, კონგრესის თანამშრომლობა საქართველოს ადგილობრივ თვითმმართველობათა ეროვნულ ასოციაციასთან (NALAG) და კონგრესის თანამშრომლობის პროგრამები ქვეყანაში“, - ნათქვამია ევროპის საბჭოს ვებგვერდზე გამოქვეყნებულ ინფორმაციაში.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით