ჩინეთში კორონავირუსით დაღუპულთა რაოდენობამ 2 345-ს მიაღწია, - ამის შესახებ ინფორმაციას ქვეყნის ჯანდაცვის ეროვნული კომისია ავრცელებს.

მათივე ინფორმაციით, ბოლო ერთი დღის განმავლობაში ვირუსით დაინფიცირების 397 ახალი შემთხვევა გამოვლინდა და დადასტურებული შემთხვევების საერთო რაოდენობა 76 288 გახდა.

ჩინეთის ფარგლებს გარეთ ვირუსის შემთხვევები 26 ქვეყანასა და ტერიტორიულ ერთეულშია დაფიქსირებული, სადაც, საერთო ჯამში, 11 ადამიანია გარდაცვლილი.