სახელმწიფო ინსპექტორის სამსახურის და სახალხო დამცველის აპარატის ერთობლივი შეხვედრა გაიმართა

სახელმწიფო ინსპექტორის სამსახურისა და სახალხო დამცველის აპარატის ერთობლივი სამუშაო შეხვედრა გაიმართა, რომლის მიზანი უწყებებს შორის თანამშრომლობის გაღრმავება, პრაქტიკული საკითხების განხილვა და არსებულ გამოწვევებზე მსჯელობა იყო.

როგორც „ინტერპრესნიუსს“ სახელმწიფო ინსპექტორის სამსახურიდან აცნობეს, შეხვედრა ევროპის საბჭოს ,,არასრულწლოვან და ზრდასრულ თავისუფლება აღკვეთილ პირთა მხარდაჭერის" პროექტის დახმარებით ჩატარდა.

ორდღიან შეხვედრას სახელმწიფო ინსპექტორი ლონდა თოლორაია და სახალხო დამცველის მოადგილე გიორგი ბურჯანაძე უძღვებოდნენ. ორივე სამსახურის წარმომადგენლებმა სამუშაო შეხვედრაზე როგორც პერსონალურ მონაცემთა დაცვასთან დაკავშირებით არსებული პრაქტიკა და გამოწვევები, ასევე, სახელმწიფო ინსპექტორის სამსახურის საგამოძიებო დეპარტამენტის მუშაობის სპეციფიკა და სამომავლო გეგმები განიხილეს.

სახელმწიფო ინსპექტორის სამსახური და სახალხო დამცველი თანამშრომლობას როგორც ყოველდღიურ რეჟიმში, ასევე, სამუშაო შეხვედრების ფორმატში მომავალშიც გააგრძელებენ.

თედო ჯაფარიძე - არ მგონია, რომ ამერიკის "დასუსტებით" რუსეთმა ან რომელიმე სხვა ქვეყანამ საკუთარი პოზიციები გაიმაგროს
ქართული პრესის მიმოხილვა 04.06.2020
„ეკომარტი“ - ნატურალური და ეკომეგობრული პროდუქტების მრავალფეროვანი ონლაინ მაღაზია გაიხსნა
ფინკა ბანკის საჩუქარი ექიმებს - საუკეთესო პირობები დეპოზიტზე
ლიბერთი ბანკმა ქალთა ეკონომიკური გაძლიერების მიზნით დაგეგმილი ტრენინგების ციკლიდან პირველი ტრენინგი ჩაატარა
ხელფასის, საშემოსავლოსა და საპენსიო შენატანის გადარიცხვა ერთი ოპერაციით - მხოლოდ ტერაბანკის ბინზესბანკინგით