შალვა გოგოლაძემ იმერეთის სპორტსკოლებს სპორტული ინვენტარი გადასცა

განათლების, მეცნიერების, კულტურისა და სპორტის სამინისტრო განაგრძობს საქართველოს რეგიონების სპორტსკოლების სპორტული ინვენტარით აღჭურვას. მინისტრის მოადგილე, შალვა გოგოლაძე იმერეთის რეგიონს ესტუმრა და ტატამები გადასცა. გარდა ამისა, გოგოლაძემ ახალგაზრდა სპორტსმენები სამინისტროს მიერ გამოცემული სპორტული თემატიკის წიგნებით დაასაჩუქრა. აღნიშნულ ინფორმაციას სამინისტრო ავრცელებს.

სამინისტროს ინიციატივით, ჭიდაობის ტატამი ხონის სპორტსკოლას გადაეცა. ღონისძიებას მუნიციპალიტეტის მერი ლადო ჯურხაძე ახალგაზრდა მოჭიდავეებთან და ადგილობრივ მცხოვრებლებთან ერთად დაესწრო. სპორტსკოლაში წარმატებულად ფუნქციონირებს ჭიდაობის სექცია. ასევე დაგეგმილია ძალოსნობის დარბაზის რეაბილიტაცია.

ტატამი დაიგო ზესტაფონის მუნიციპალიტეტის სოფელ ქვედა საზანოს ახლად გარემონტებულ სპორტულ დარბაზში. ახალგაზრდა ძიუდოისტები შალვა გოგოლაძემ, პარლამენტში ზესტაფონის მაჟორიტარ დეპუტატთან, შალვა კიკნაველიძესთან და მუნიციპალიტეტის მერთან, გიორგი გოგლიჩიძესთან ერთად დაათვალიერა. სპორტსკოლაში ასევე იმყოფებოდა საქართველოს ძალოსნობის ფედერაციის პრეზიდენტი, 3-გზის ოლიმპიური ჩემპიონი კახი კახიაშვილი, რომელმაც სპორტსკოლის აღსაზრდელებს სამახსოვრო საჩუქრები გადასცა. სპორტსკოლაში სტუმრობისას, კახიაშვილმა ადგილობრივ ხელისუფლებასთან და მოსახლეობასთან, სოფელში ძალოსნობის ახალი დარბაზის აშენების საკითხი განიხილა.

სამინისტრო მომავალშიც აქტიურად გააგრძელებს რეგიონების სპორტსკოლების აღჭურვას. რამდენიმე დღის წინ, ტატამი და სპორტული ინვენტარი წალკის სპორტულ კომპლექსს გადაეცა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით