თურქეთის, რუსეთის, საფრანგეთისა და გერმანიის ლიდერები სირიის საკითხზე იმსჯელებენ

თურქეთის პრეზიდენტი რეჯეფ თაიფ ერდოღანი, რუსეთის პრეზიდენტი ვლადიმერ პუტინი, საფრანგეთის პრეზიდენტი ემანუელ მაკრონი და გერმანიის კანცლერი ანგელა მერკელი 5 მარტს სამიტს გამართავენ, სადაც იდლიბის პროვინციაში არსებულ სიტუაციაზე იმსჯელებენ, - ამის შესახებ განცხადება რეჯეფ თაიფ ერდოღანმა სატელევიზიო მიმართვის დროს გააკეთა.

„5 მარტს შეხვედრასა და ამ საკითხების განხილვას ვაპირებთ,“- განაცხადა თურქეთის პრეზიდენტმა, თუმცა მას შეხვედრის ადგილი არ დაუკონკრეტებია.

შეგახსენებთ, ორი დღის წინ ემანუელ მაკრონმა და ანგელა მერკელმა ერდოღანს იდლიბში არსებული კრიზისის დასაძლევად პოლიტიკური გზის გამონახვისკენ მოუწოდეს. გერმანიის კანცლერის განცხადებით, ორი ევროპელი ლიდერი მზად არის, პრობლემის გადაჭრის შესაძლო გზები რუსეთისა და თურქეთის პრეზიდენტებთან ერთად განიხილოს.

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
ქართული პრესის მიმოხილვა 21.09.2020
რევაზ კოპალაძე - ქვეყნებში, სადაც გულშემატკივრობენ საქართველოს, მტკივნეულად აღიქვამენ სახელმწიფოს ჩარევას „კავკასუს ონლაინის“ სამეწარმეო თავისუფლებაში
რან გიდორი - სწრაფვა მშვიდობისკენ კორონავირუსის დასამარცხებლად