ირაკლი სესიაშვილი - მივესალმებით, თუკი ოპოზიცია კონსტრუქციულ ფორმატში გადმოვა და არეულობისკენ მიმართულ ზრახვებს გაანეიტრალებს

იმ ჯგუფს, რომელიც ოპოზიციის სახელით ლაპარაკობს, აინტერესებს არა არჩევნები და მშვიდობიანი პროცესი, არამედ დესტრუქცია, დაძაბულობა , - ამის შესახებ პარლამენტის თავდაცვისა და უშიშროების კომიტეტის თავმჯდომარე ირაკლი სესიაშვილმა ჟურნალისტებთან საუბრისას განაცხადა, რითაც ოპოზიციასა და მმართველ გუნდს შორის შეწყვეტილ მოლაპარაკებებთან დაკავშირებით დასმულ კითხვას უპასუხა.

მისი თქმით, ხელისუფლების მხრიდან ოპოზიციის წარმომადგენლების მიმართ საარჩევნო სისტემასთან დაკავშირებით შეთავაზება ძალაში რჩება.

“მმართველი გუნდი ითვალისწინებს როგორც ჩვენი პარტნიორი ქვეყნების სწორ პოზიციას, ასევე ჩვენი საზოგადოების სურვილს, რომ საარჩევნო სისტემაში იყოს წინსვლა. ჩვენი აზრით, სწორი კომპრომისული ვერსია შევთავაზეთ საზოგადოებას პირველ რიგში, იმიტომ რომ იმ ოპოზიციურ ჯგუფს ვერ ექნება მონოპოლია პოლიტიკურ პროცესებზე. ჩვენ ეს შევთავაზეთ და ველით შემხვედრ პასუხს, მაგრამ მე მეჩვენება, რომ იმ ჯგუფს რომელიც ოპოზიციის სახელით ლაპარაკობს აინტერესებს არა არჩევნები და მშვიდობიანი პროცესი, არამედ დესტრუქცია, დაძაბულობა, ეს მეტ-ნაკლებად გამოჩნდა კიდეც, მაგრამ ჩვენი მხრიდან შეთავაზება რჩება და ჩვენ მივესალმებით, თუკი ოპოზიცია გადმოვა კონსტრუქციულ ფორმატში და ამ დესტრუქციულ და არეულობისკენ მიმართულ ზრახვებს გაანეიტრალებს”,- განაცხადა სესიაშვილმა.

იხილეთ ვიდეო

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა