მაკრონი ეჭვობს, რომ ევროკავშირსა და დიდ ბრიტანეთს შორის სავაჭრო საკითხზე შეთანხმება წლის ბოლომდე მოესწრება

საფრანგეთის პრეზიდენტის ემანუელ მაკრონის განცხადებით, ის დარწმუნებული არ არის, რომ ევროკავშირსა და დიდ ბრიტანეთს შორის სავაჭრო საკითხებზე შეთანხმება 31 დეკემბრისთვის მოესწრება. ანუ, იმ პერიოდისთვის, როცა "ბრექსითის" გარდამავალი ეტაპის დასრულებაა განსაზღვრული.

მაკრონის თქმით, მოლაპარაკებები, რომელიც მარტში დაიწყება, იქნება „დაძაბული“, ხოლო თევზჭერაზე უფლებები მოლაპარაკებებში მთავარი საკამათო საკითხია.

„არ ვარ დარწმუნებული, რომ შეთანხმების მიღწევა მიმდინარე წლის ბოლომდე მოხდება. ნებისმიერ შემთხვევაში, მოლაპარაკებები უფრო დაიძაბება, რადგან [ბრიტანელები] ძალიან მტკიცედ დგანან“, - განაცხადა მაკრონმა მეთევზეებთან პარიზში გამართულ შეხვედრაზე.

თავის მხრივ, დიდმა ბრიტანეთმა განაცხადა, რომ სავაჭრო შეთანხმების შესახებ განაწესს უახლოეს დღეებში გამოაქვეყნებს. ამასთან, დიდი ბრიტანეთი ამბობს, რომ ის თევზჭერის უფლებების საკითხზე შეთანხმებას განიხილავს, თუმცა ეს შეთანხმება უნდა ემყარებოდეს თვალსაზრისს, რომ „ბრიტანული სათევზაო ადგილები პირველ რიგში ბრიტანული ნავებისთვის არის“.

31 იანვარს, ევროკავშირის დატოვების შემდეგ, დიდი ბრიტანეთი გარდამავალ პერიოდში 31 დეკემბრამდე იმყოფება.

იხილეთ ვიდეო: მაკრონი ეჭვობს, რომ ევროკავშირსა და დიდ ბრიტანეთს შორის სავაჭრო საკითხზე შეთანხმება წლის ბოლომდე მოესწრება

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა