იტალიაში კორონავირუსით დაავადებულთა რაოდენობამ 130-ს გადააჭარბა. ამის შესახებ დღეს ჟურნალისტებს იტალიის სამოქალაქო თავდაცვის სამსახურის ხელმძღვანელმა ანჯეო ბორელიმ განაცხადა.
„კორონავირუსზე 132 ადამიანის შემთხვევაში, ტესტმა დადებითი შედეგი მოგვცა. ორი მათგანი გარდაიცვალა, ერთი გამოჯანმრთელდა. ამ დროისთვის, ადამიანთა რაოდენობა, რომლებსაც ექიმები აკვირდებიან, 129-ს შეადგენს, მათგან 54 ჰოსპიტალიზებულია, 26 ინტენსიური თერაპიის განყოფილებებში იმყოფება“, - განაცხადა ბორელიმ.
მისივე ცნობით, საჭიროების შემთხვევაში, ხელისუფლება მზად არის, ვირუსით ინფიცირებულები იტალიის შეიარაღებული ძალების ობიექტებში განათავსოს, სადაც კარანტინს შემოიღებენ. ამ მიზნისთვის უკვე მომზადებულია 5 000-ზე მეტი ადგილი სამხედრო ყაზარმებში.