სამოქალაქო აქტივისტებმა „ევროპული საქართველოს“ ოფისის კარზე სტიკერები წარწერით - "სიტყვით ევროპელები, საქმით ოკუპანტები" გააკრეს

სამოქალაქო აქტივისტები პარტია “ევროპული საქართველოს” ოფისთან აქცია - პერფორმანსს მართავენ. აქციის მონაწილეები ოპოზიციის იმ დეპუტატებისგან, რომლებმაც პარლამენტში საბჭოთა კავშირის ჰიმნი გააჟღერეს მანდატის დატოვებას ითხოვენ.

აქციის მონაწილეებმა "ევროპული საქართველოს" ოფისის შესასვლელ კარზე სტიკერები გააკრეს შინაარსით -"სიტყვით ევროპელები, საქმით ოკუპანტები".

აქციის მონაწილის ელენე კონცელიძის განცხადებით, ისინი აქციებს იქამდე გააგრძელებენ, ვიდრე მიზანს არ მიაღწევენ.

"ჩვენ უკვე 5 დღეა ვაპროტესტებთ საქართველოს პარლამენტში საბჭოთა ჰიმნის ჩართვას და მოვითხოვთ, რომ ელენე ხოშტარიამ და ირმა ნადირაშვილმა დატოვონ საპარლამენტო მანდატი. ჩვენ ვფიქრობთ, რომ ეს ყველაფერი არის სირცხვილი და ოკუპანტის წისქვილზე დასხმული წყალი. ჩვენ აქციებს გავაგრძელებთ, ვიდრე არ მოვლენ გონს. ჩვენ ვიქნებით უფრო ბევრი და ვფიქრობთ, რომ ჩვენს ამას შევძლებთ, ჩვენ დაგანახებთ, თუ რა შეგვიძლია ახალგაზრდებს",- განაცხადა აქციის ერთ-ერთმა მონაწილე ნათია კონცელიძემ.

შეგახსენებთ, რომ საპარლამენტო ოპოზიციის დეპუტატებმა - ელენე ხოშტარიამ და ირმა ნადირაშვილმა რამდენიმე დღის წინ, პარლამენტის სხდომათა დარბაზში საბჭოთა კავშირის ჰიმნი ჩართეს. ოპოზიციის წარმომადგენლებმა ჰიმნი იმ დროს გააჟღერეს, როდესაც პარლამენტის თავმჯდომარე არჩილ თალაკვაძე ყოველწლიური ანგარიშის წარდგენისას რუსულ ოკუპაციაზე საუბრობდა.

იხილეთ ვიდეო: რა ვითარებაა ამ დროისთვის “ევროპული საქართველოს” ოფისთან ", სადაც სამოქალაქო აქტივისტები აქცია - პერფორმანსს მართავენ - "სიტყვით ევროპელები, საქმით ოკუპანტები"

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა