იტალიაში კორონავირუსით მესამე ადამიანი გარდაიცვალა, დაინფიცირებულების რაოდენობა კი 152-ს აღწევს, - ამის შესახებ ინფორმაციას „როიტერსი“ ქვეყნის ოფიციალურ პირებზე დაყრდნობით ავრცელებს.

„შემთხვევების სწრაფი ზრდით გაკვირვებული ვარ. ყველაფერს გავაკეთებთ იმისთვის, რომ დაავადების გავრცელება შევაჩეროთ,“- განაცხადა იტალიის პრემიერ-მინისტრმა ჯუზეპე კონტემ.

იტალიის ჯანდაცვის ხელისუფლება იმის გარკვევას ცდილობს, თუ როგორ დაიწყო ქვეყენაში ვირუსის გავრცელება.

შეგახსენებთ, რომ კორონავირუსის გამო ლომბარდიისა და ვენეტოს რეგიონებში კარანტინია გამოაცხადებული, 50 000-მდე ადამიანს სპეციალური ნებართვის გარეშე ქალაქების დატოვების უფლება არ აქვს. ხელისუფლებამ ვენეციის ცნობილი კარნავალისა და ყველა სპორტული ღონისძიების პირველ მარტამდე შეწყვეტის გადაწყვეტილებაც მიიღო.