ნაზი ჯანეზაშვილის განცხადებით, იუსტიციის საბჭოს დამოუკიდებელი ინსპექტორი მიხეილ ჩინჩალაძის „კლანის" წევრია

იუსტიციის უმაღლესი საბჭოს არამოსამართლე წევრის, ნაზი ჯანეზაშვილის განცხადებით, იუსტიციის საბჭოს დამოუკიდებელი ინსპექტორი ზურაბ აზნაურაშვილი მიხეილ ჩინჩალაძის „კლანის" წევრია.

მისივე განმარტებით, იუსტიციის უმაღლეს საბჭოში 2019 წლის 13 მარტის შემდგომ არ ჩატარებულა სხდომა, სადაც განხილული იქნებოდა მოსამართლეთა დისციპლინური საქმეები, რომელიც მოსამართლეების წინააღმდეგ სხდასხვა მოქალაქეების მიერ არის შეტანილი.

ნაზი ჯანეზაშვილის თქმით, შესულ საჩივრებზე შედეგი არ დგება იმ მოტივით, რომ თბილისის სააპელაციო სასამართლოს თავმჯდომარეს მიხეილ ჩინჩალაძეს და მის „კლანს" ყველაზე მეტად ეშინია დისციპლინური სამართალწარმოების, რადგან ამ პროცესის შედეგად შესაძლოა, მოსამართლეებს სანქციები დაეკისროს.

„იუსტიციის საბჭოს დამოუკიდებელი ინსპექტორის ინსტიტუტი ქვეყანაში შემოიღეს იმისათვის, რომ ეფექტიანი გამხდარიყო დისციპლინური სამართალწარმოების პროცესი. რეალურად, მივიღეთ შედეგი, რომ ყოფილი დამოუკიდებელი ინსპექტორი ქეთევან ცინცაძე და მოქმედი დამოუკიდებელი ინსპექტორი ზურაბ აზნაურაშვილიც არის მიხეილ ჩინჩალაძის პროტეჟე. შესაბამისად, არც ცინცაძე იყო დამოუკიდებელი და არც აზნაურაშვილია დამოუკიდებელი. ისინი იცავენ იმ „კლანის“ ინტერესებს, რომლის ხელშიც დღეისთვის არის ძალაუფლება.

მოქალაქეებს იუსტიციის უმაღლეს საბჭოში მოაქვთ უამრავი საქმები, მოსამართლეთა წინააღმდეგ საჩივრებით მოდიან, თუმცა მათი საჩივრები თაროზეა შემოდებული. უკეთეს შემთხვევაში, დამოუკიდებელი ინსპექტორი წერს დასკვნებს და ამ დასკვნებს ინახავს თავის კომპიუტერში ელექტრონული ფაილების სახით. ანუ საჩივრებზე შედეგი წლების განმავლობაში არ დგება და ეს არის მძიმე და სავალალო შემთხვევა“, - განაცხადა ნაზი ჯანეზაშვილმა.

შეგახსენებთ, იუსტიციის უმაღლესი საბჭოს დამოუკიდებელმა ინსპექტორმა 2019 წლის ანგარიში წარადგინა.

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 21.04.2021
მსოფლიო 2021 წლის ინტელექტუალური საკუთრების დღეს სლოგანით  - „ინტელექტუალური საკუთრება და მცირე და საშუალო საწარმოები: თქვენი იდეების კომერციალიზაცია“ აღნიშნავს
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა