ოზურგეთში პოლიტიკური გაერთიანების „ლელო საქართველოსთვის“ რეგიონული ოფისი გაიხსნა
ოზურგეთში პოლიტიკური გაერთიანების „ლელო საქართველოსთვის“ რეგიონული ოფისი გაიხსნა.
როგორც „ინტერპრესნიუსს“ გაერთიანებიდან „ლელო საქართველოსთვის“ აცნობეს, პარტიის ლიდერმა მამუკა ხაზარაძემ საზოგადოებას ადგილობრივი გუნდი და ოფისის ხელმძღვანელი კახა სიორიძე წარუდგინა.
მამუკა ხაზარაძემ რეგიონებში არსებულ სიტუაციაზე, დაცარიელებულ ქალაქებსა და ხელისუფლების უმოქმედობაზე ისაუბრა.
პარტიის ლიდერის განცხადებით, „ლელო საქართველოსთვის“ ორიენტირებულია ხვალინდელ დღესა და საქმეზე, თუ როგორ უნდა იქნას დაძლეული არსებული მდგომარეობა და შეიქმნას სამუშაო ადგილები.
მამუკა ხაზარაძემ გურიის მოსახლეობას რეგიონის განვითარების კონკრეტული ხედვა შესთავაზა და მათ ჩართულობისკენ მოუწოდა, რათა ერთიანი ძალით შეცვალონ ქვეყანა უკეთესობისკენ.
