ერაყში კორონავირუსის, სახელწოდებით COVID-19, პირველი შემთხვევა დადასტურდა. ვირუსი ქალაქ ნაჯაფში ირანელ სტუდენტს დაუდგინდა.
გავრცელებული ცნობებით, სტუდენტი ამ დროისთვის იზოლირებულია. კარანტინში იმყოფებიან ის პირებიც, რომელთაც მასთან უშუალო კონტაქტი ჰქონდათ.
შეგახსენებთ, ერაყის მთავრობამ ირანთან საზღვრის ჩაკეტვის გადაწყვეტილება მიიღო. როგორც ცნობილია, კორონავირუსით დაინფიცირებული სტუდენტი ქვეყანაში შეზღუდვების დაწესებამდე ჩავიდა.