რეგლამენტის, კანონის, სხვა ჩამოყალიბებული წესების მიღმა, არსებობს კიდევ გარკვეული ლოგიკური აუცილებლობები, - ამის შესახებ პარლამენტის პირველმა ვიცე-სპიკერმა გია ვოლსკიმ ჟურნალისტებთან განაცხადა, რითაც დღევანდელ კომიტეტის სხდომაზე ფინანსთა მინისტრის, ვანო მაჭავარიანის არ მისვლის საკითხს გამოეხმაურა .
როგორც მან აღნიშნა, შესაძლოა, საჭირო იყოს მინისტრს უფრო მეტი დრო მიეცეს იმისთვის, რომ მან არა მხოლოდ უპასუხოს იმ კითხვებს, რომელსაც რამდენიმე დღის წინ გასცა პასუხი, არამედ რეაგირებაც მოახდინოს დასმულ საკითხებზე.
„ფინანსთა მინისტრმა პრინციპში განმარტა, მაგრამ რეალურად, არსებობს რეგლამენტი. რეგლამენტი არ უნდა დაირღვეს, მაგრამ რეგლამენტის, კანონის, სხვა ჩამოყალიბებული წესების მიღმა, არსებობს კიდევ გარკვეული ლოგიკური აუცილებლობები. რეალურად ჩვენ მინისტრის განცხადებას კი მოვუსმინეთ, მაგრამ დავფიქრდეთ, თუკი ერთი კვირის წინ მინისტრი იგივე შეკითხვებზე პასუხს აძლევდა, იქნებ საჭიროა, ცოტა მეტი დრო მივცეთ, რომ არა მხოლოდ პასუხები გასცეს, რეაგირებაც მოახდინოს იმ საკითხებზე, რომელიც მწვავედ იქნა დასმული“,- განაცხადა გია ვოლსკიმ.